Health Tips : वारंवार भूक लागण्याचं नेमकं कारण काय? जाणून घ्या प्रत्येक वेळी भूक लागण्याची 6 कारणं
Frequent Hunger : जर तुम्हाला यापेक्षाही जास्त वेळा किंवा पोटभर जेवूनही वारंवार भूक लागत असेल तर मात्र वेळीच सावध व्हायला हवे.
Frequent Hunger : आपण सर्वजण भूक लागल्यावर अन्न खातो. यामुळे शरीराला ऊर्जा मिळते. साधारणपणे एखादी व्यक्ती दिवसातून तीन ते चार वेळा जेवते. पण, जर तुम्हाला यापेक्षाही जास्त वेळा किंवा पोटभर जेवूनही वारंवार भूक लागत असेल तर मात्र वेळीच सावध व्हायला हवे. आरोग्य तज्ञांच्या मते, यामागे काही गंभीर कारणं असू शकतात. वारंवार भूक लागण्याची नेमकी कारणं कोणती या संदर्भात अधिक माहिती जाणून घेऊयात.
वारंवार भूक लागण्याची 6 कारणे
1. प्रथिनांची कमतरता
अन्नामध्ये प्रोटीन कमी असल्यास अनेकदा भूक लागते. कारण प्रथिने ऊर्जा पुरवतात आणि भूक वाढवणाऱ्या हार्मोन्सवर नियंत्रण ठेवतात. प्रथिने देखील अन्नाची लालसा कमी करण्याचे काम करतात. अशा परिस्थितीत प्रथिनयुक्त पदार्थांचा आहारात समावेश करावा.
2. झोपेची कमतरता
झोपेच्या कमतरतेमुळे पुन्हा पुन्हा भूक लागते. जर तुम्हाला पुरेशी झोप मिळाली नाही तर भूकेचे संकेत देणारे घेरलिन हार्मोन अनियंत्रित राहते आणि वाढते. यामुळे पुन्हा पुन्हा भूक लागते तसेच झोप घ्यावीशी वाटते.
3. रिफाईंड कार्ब्सच्या सेवनाने
रिफाईंड कार्ब्सचा ग्लायसेमिक इंडेक्स खूप जास्त असतो. अशा परिस्थितीत त्यांच्या अतिसेवनाने भूक वाढते आणि पटकन काहीतरी खावंसं वाटते. रिफाईंड कार्बोहायड्रेट्सच्या अतिसेवनामुळे लठ्ठपणा झपाट्याने वाढतो.
4. शरीरात फायबरची कमतरता
जेव्हा आपल्या शरीरात पुरेसे फायबर नसते तेव्हा आपल्याला वारंवार भूक लागते. खरंतर, फायबर समृद्ध असलेल्या गोष्टी भूक कमी करणारे हार्मोन्स तयार करण्याचे काम करतात. त्यामुळे पोट बराच वेळ भरल्यासारखे वाटते. अशा स्थितीत अन्नामध्ये फायबरचे प्रमाण जास्त असावे.
5. खूप ताण वाढल्यामुळे
आजची जीवनशैली धकाधकीची झाली आहे. जास्त तणावामुळे शरीरात कोर्टिसोल नावाचे हार्मोन वाढते, ज्यामुळे वारंवार भूक लागते. अशा परिस्थितीत तणाव कमी करण्याचा प्रयत्न केला पाहिजे.
6. आजारांचा प्रभाव
मधुमेह आणि थायरॉईडसारख्या गंभीर आजारांमुळेही वारंवार भूक लागते. खरंतर, मधुमेहाच्या रुग्णांमध्ये, ग्लुकोज पेशींपर्यंत पोहोचू शकत नाही, ज्यामुळे ते उर्जेमध्ये रूपांतरित होण्याऐवजी लघवीद्वारे बाहेर येते. अशा परिस्थितीत जेव्हा साखर जास्त असते तेव्हा खूप भूक लागते. काहीतरी खावंसं वाटतं. थायरॉईड संप्रेरक वाढल्यामुळे, व्यक्तीला वारंवार भूक लागते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
