Health Tips : हिवाळ्याच्या दिवसांत हिरवे वाटाणे बाजारात अगदी सहज दिसतात. हिरव्या वाटाण्यापासून अनेक पदार्थ तयार केले जातात. जसे की, पराठा, भाजी, पुलाव, मिसळ असे पदार्थ बनविले जातात. हे केवळ चवच देत नाही तर आरोग्याला देखील प्रोत्साहन देतात. व्हिटॅमिन ए, व्हिटॅमिन बी, व्हिटॅमिन डी, व्हिटॅमिन सी, के, प्रथिने, फायबर आणि अँटीऑक्सिडंट्स यांसारखे पोषक घटक त्यात आढळतात. यामुळे रक्तातील साखर आणि कोलेस्ट्रॉल नियंत्रणात राहते. त्याच वेळी, हे अनेक आजारांपासून देखील बचाव करते, परंतु तुम्हाला माहित आहे का की याच्या सेवनाने तुम्ही आजारी पडू शकता किंवा तुमचे आरोग्य बिघडू शकते. या संदर्भात अधिक माहिती जाणून घेऊयात.
हिरवे वाटाणे आरोग्यासाठी फायदेशीर आहेत. मात्र, याच्या सेवनाने तुम्हाला आजारी पडू शकते किंवा तुमचे आरोग्य बिघडू शकते.
'या' समस्यांमध्ये हिरवे वाटाणे खाऊ नका
युरिक अॅसिड : यूरिक अॅसिडची समस्या असेल तर हिरव्या वाटाण्याचे सेवन टाळावे. मटारमध्ये प्रथिने, अमीनो अॅसिड, व्हिटॅमिन डी आणि फायबर भरपूर प्रमाणात असतात. या पोषक घटकांमुळे हाडे निश्चितच मजबूत होतात, पण ते जास्त खाल्ल्याने शरीरात यूरिक अॅसिड वाढते, ज्यामुळे सांधेदुखीचा त्रास होऊ शकतो. याशिवाय, तुम्हाला आधीच सांधेदुखीचा त्रास होत असला तरी, तुम्ही मटार खाणे टाळावे.
लठ्ठपणा : जर तुम्ही वजन कमी करण्यासाठी प्रयत्न करत असाल तर हिरवे वाटाणे कमी खावेत. हिरव्या वाटाण्यात भरपूर प्रथिने आणि कार्बोहायड्रेट्स असतात, त्यात फायबर देखील असते जे वजन कमी करण्यास मदत करू शकते, परंतु जर हे जास्त प्रमाणात सेवन केले जाते, त्यामुळे शरीरातील चरबी वाढू शकते. पिष्टमय भाज्यांमध्ये हिरव्या वाटाण्याचा समावेश केला जातो, अशा परिस्थितीत त्याच्या सेवनाने वजन वाढू शकते.
किडनीची समस्या : किडनीशी संबंधित इतर कोणतीही समस्या असली तरी मटार खाणे टाळावे. यामध्ये प्रोटीनचे प्रमाण जास्त असल्याने किडनीवर परिणाम होऊ शकतो. यामुळेच किडनीच्या रुग्णांना हिरवे वाटाणे मर्यादित प्रमाणात खाण्याचा सल्ला दिला जातो.
गॅसची समस्या : पोटात गॅसची समस्या असेल तरीही हिरव्या वाटाण्याचे सेवन टाळावे. त्यात कार्बोहायड्रेटचे प्रमाण जास्त असते. अशा परिस्थितीत, जर तुम्ही आधीच बद्धकोष्ठता किंवा गॅसच्या समस्येने त्रस्त असाल तर हिरव्या वाटाण्याचे सेवन टाळावे.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या बातम्या :