Health Tips : रोगप्रतिकार शक्ती मजबूत करण्यासाठी अश्वगंधा लाभदायक; सेवन करण्याची योग्य पद्धत जाणून घ्या
Health Tips : भारतीय घरांमध्ये काही आयुर्वेदिक औषधी वनस्पती आढळतात, ज्यांचे योग्य प्रमाणात सेवन केल्यास रोगप्रतिकार शक्ती मजबूत होते.
Health Tips : रोग प्रतिकारशक्ती (Immunity) मजबूत करण्याचे अनेक मार्ग आहेत. जीवनशैली सुधारून आणि पौष्टिक आहार घेतल्याने रोगप्रतिकारक शक्ती मजबूत करता येते. याशिवाय रोगप्रतिकारशक्ती वाढवण्याच्या आयुर्वेदिक पद्धतीही आहेत. भारतीय घरांमध्ये काही आयुर्वेदिक औषधी वनस्पती आढळतात, ज्यांचे योग्य प्रमाणात सेवन केल्यास रोगप्रतिकार शक्ती मजबूत होते. या आयुर्वेदिक वनौषधींपैकी अश्वगंधामध्ये (Ashwagandha) औषधी गुणधर्म आहेत, ज्याच्या सेवनाने आरोग्याला अनेक फायदे मिळतात. जाणून घेऊयात अश्वगंधा सेवन करण्याचे फायदे आणि ते कसे वापरावे.
अश्वगंधामध्ये आढळणारे पोषक घटक
अश्वगंधा हे पौष्टिक आणि आयुर्वेदिक औषध आहे जे वनस्पतीच्या वनौषधींपासून मिळते. याच्या मुळांमध्ये अनेक प्रकारचे पोषक घटक आढळतात. अश्वगंधामध्ये विटानोलाइड्स आढळतात. विथॅनोलाईड्स मानसिक स्थिती सुधारण्यास, तणाव कमी करण्यास आणि शरीराची ताकद वाढविण्यात मदत करतात.
अश्वगंधामध्ये अल्डोस्टेरॉन असते जे स्त्रियांमध्ये हार्मोन्सचे प्रमाण संतुलित करण्यास आणि लैंगिक आरोग्य सुधारण्यास मदत करते. शरीराचे रोगांपासून संरक्षण करतात. अश्वगंधामध्येही अमिनो आम्ल आढळते.
अश्वगंधा सेवन करण्याचे फायदे :
तणाव व्यवस्थापन
अश्वगंधा मानसिक आरोग्यासाठी फायदेशीर आहे. अश्वगंधाच्या सेवनाने मानसिक ताण आणि तणाव कमी होण्यास मदत होते. अतिरिक्त ताणामुळे होणारा मानसिक दबाव कमी करण्यात मदत होऊ शकते. अश्वगंधाचे योग्य सेवन केल्यास मानसिक आरोग्य सुधारते.
रोगप्रतिकारक शक्ती मजबूत होते
अश्वगंधा शरीराला रोगांशी लढण्यासाठी मजबूत करते. याच्या सेवनाने तुमची रोगप्रतिकारक शक्ती बळकट होण्यास मदत होऊ शकते, जी तुम्हाला रोगांशी लढण्यास मदत करू शकते.
लैंगिक आरोग्य सुधारते
अश्वगंधाचे सेवन केल्याने लैंगिक आरोग्य सुधारण्यास मदत होते. याशिवाय झोप चांगली लागते आणि स्मृतीभ्रंशाची तक्रार दूर होते. अश्वगंधा सेवन केल्याने तुमचे अनेक रोगांपासून रक्षण करण्यात मदत होते.
अश्वगंधा सेवन करण्याची योग्य पद्धत :
तुम्हाला कोणत्याही प्रकारची आरोग्य समस्या असल्यास डॉक्टरांच्या सल्ल्याने अश्वगंधाचे सेवन करा. साधारणपणे 300 mg ते 500 mg अश्वगंधा रोज सेवन करता येऊ शकते. तुम्ही अश्वगंधा पावडर पाण्यात मिसळून पिऊ शकता. अश्वगंधा पावडर, कॅप्सूल, तेल किंवा सरबत बाजारात सहज उपलब्ध आहे. रात्री झोपण्यापूर्वी थंड दूध किंवा पाण्यात अश्वगंधा मिसळून प्यायल्याने झोप चांगली लागते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
