Health Tips : नारळ पाणी फक्त पिण्यासाठीच नाही तर त्वचेसाठी देखील उत्तम; घरच्या घरी बनवा फेस मास्क
Coconut Water Face Mask : नारळ पाणी फक्त पिण्यासाठीच नाही तर आपल्या त्वचेसाठी देखील खूप फायदेशीर आहे.
Coconut Water Face Mask : शरीरातील पाण्याची कमतरता दूर करण्यासाठी किंवा कोणत्याही आजारासाठी डॉक्टर नेहमी नारळ पाणी पिण्याचा सल्ला देतात. याबरोबरच लोक उन्हाळा आणि हिवाळ्यातही याचे सेवन करतात. नारळाचे पाणी शरीरासाठी इतके फायदेशीर आहे की त्याचे सेवन केल्याने शरीराला अनेक फायदे मिळतात. याबरोबरच नारळामध्ये व्हिटॅमिन सी, मिनरल्स आणि फायटोकेमिकल्स असतात, जे आपल्या शरीराला निरोगी ठेवतात.
यामुळे लहानांपासून मोठ्यांपर्यंत सर्वजण नारळपाणी खातात. पण तुम्हाला माहित आहे का की फक्त नारळ पाणी पिण्याचे नाही तर त्याचा फेस मास्क लावल्याने तुमच्या त्वचेसाठी अनेक फायदे होतात. हे त्वचेसाठी खूप फायदेशीर मानले जाते. चला तर मग जाणून घेऊया हा फेस मास्क तुम्ही घरी कसा बनवू शकता आणि यामुळे तुमच्या चेहऱ्याला आश्चर्यकारक फायदे मिळतात.
नारळ पाणी फक्त पिण्यासाठीच नाही तर त्वचेसाठीही उत्तम आहे
नारळ पाणी तुमच्या त्वचेशी संबंधित समस्या दूर करते. नारळाच्या पाण्याचे वैशिष्ट्य म्हणजे त्यात पोटॅशियम असते आणि ते आपल्या त्वचेला मॉइश्चरायझ ठेवते. जर तुमच्या चेहऱ्यावर डाग पडत असतील किंवा मुरुमांसारख्या समस्या येत असतील तर नारळाच्या फेस मास्कचा तुम्हाला खूप फायदा होईल. नारळाचे पाणी शरीरातील PH पातळी संतुलित करण्यास देखील मदत करते.
फेस मास्क कसा बनवाल?
हा फेस मास्क घरी बनवणे देखील खूप सोपे आहे. हे करण्यासाठी एका भांड्यात नारळाचं शहाळ घ्या आणि नंतर त्यात गुलाब पाणी घाला. तुमचा फेस मास्क तयार आहे. हा मास्क कापसाच्या मदतीने त्वचेवर लावा. ते सुकल्यावर पुन्हा कापसाने चेहऱ्यावर लावा. असे सुमारे चार ते पाच वेळा करा. आता चेहरा धुवा आणि चेहरा धुतल्यानंतर मॉइश्चरायझर लावा. हा मास्क लावल्यानंतर तुम्हाला तुमची त्वचा सॉफ्ट वाटेल.
पिंपल्सपासून आराम मिळेल
पिंपल्स किंवा डागांची समस्या असो, नारळाचा फेस मास्क तुम्हाला खूप आराम देईल. नारळपाणी आणि गुलाबपाणीमध्ये असलेले घटक त्वचेला तजेलदार बनवण्याचे काम करतात. हे लावल्याने तुमची त्वचा हायड्रेटेड राहते. हायड्रेटेड स्किन हे चेहऱ्यावरील ग्लो चे रहस्य आहे. म्हणूनच आठवड्यातून दोनदा हा फेस पॅक नक्की करून पाहा. नारळाचे पाणी शरीरातील पीएच पातळी संतुलित करण्यासही मदत करते. तुमच्या त्वचेवर काळे डाग, मुरुम जास्त असल्यास नारळाच्या पाण्याचा फेस मास्क लावल्याने तुम्हाला लवकर चांगले बदल दिसून येतील.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
