रणथंबोर राष्ट्रीय उद्यानातील 'मच्छली'चं निधन

पार्कमधील अमा घाट परिसरात सध्या तिचं वास्तव्य होतं. देश-विदेशातील फोटोग्राफर्सना 'मछली'ला कॅमेराबद्ध करण्याचा मोह होता.

मछलीची काळजी घेण्यासाठी डॉक्टरांची एक विशेष टीमही या पार्कमध्ये ठेवण्यात आली होती. आज सकाळी 9 वाजून 48 मिनिटांनी तिला मृत घोषित करण्यात आलं.

गेल्या दहा वर्षांत मछलीमुळे रणथंबोर राष्ट्रीय उद्यानाला दरवर्षी 50 ते 60 कोटी रुपयांचं उत्पन्नही मिळत होतं. यासाठी तिला 2009 साली सन्मानितही करण्यात आलं होतं.

राजस्थानमधील रणथंबोर राष्ट्रीय उद्यानातील प्रसिद्ध वाघीण 'मछली'चा मृत्यू झाला आहे. तिला T-16 म्हणूनही ओळखलं जात होतं.

वाघांचं सरासरी आयुर्मान 15 वर्षांपर्यंत असतं. पण मछलीने त्यावर मात करत 19 वर्षांचा पल्ला गाठला होता.

19 वर्षांची ही वाघीण गेल्या काही दिवसांपासून आजारी होती. तसंच तिनं गेल्या पाच दिवसांपासून खाणं-पिणं सोडलं होतं.