सिद्धार्थचं सत्य समोर येणार, तर ‘देवमाणूस’ पोलिसांच्या जाळ्यात अडकणार! रविवारी प्रेक्षकांना मनोरंजनाची मेजवानी मिळणार!

‘मन झालं बाजींद’, ‘तुझ्या माझ्या संसाराला आणि काय हवं’, तसंच ‘देवमाणूस 2’ या मालिकांचे एक तासांचे विशेष भाग येत्या रविवारी प्रेक्षकांसाठी झी मराठी सादर करणार आहे.

Marathi Serial

Zee Marathi Serial : ‘झी मराठी’वरील मालिका प्रेक्षकांचं अविरत मनोरंजन करत असतात, त्यामुळे प्रेक्षकांना आता सोमवार ते शनिवारच नाही तर येत्या रविवारी देखील त्यांच्या आवडत्या मालिकांचे महाएपिसोड पाहायला मिळतील. ‘मन झालं बाजींद’, ‘तुझ्या माझ्या संसाराला आणि काय हवं’, तसंच ‘देवमाणूस 2’ या मालिकांचे एक तासांचे विशेष भाग येत्या रविवारी प्रेक्षकांसाठी झी मराठी सादर करणार आहे.

कृष्णा होती देवीचा बळी?

रायाबरोबर ठरलेलं लग्न मोडल्यामुळे अंतरा आपल्या आई-वडीलांसहित गुली मावशीला सामील करून घेत नाटक करते. गुली मावशी ऋतिकचं अंतराबरोबर लग्न लावण्याचा निर्णय घेते. त्यामुळे सुरुवातीला सगळ्यांना धक्का बसतो. पण, नंतर सगळे स्वीकारतात. लग्न असल्यामुळे घरात देवीचा गोंधळ घातला जातो. त्याचवेळी देवीकडून घरची लक्ष्मी रुसणार असा संकेत मिळतो आणि शेवटी कृष्णाला विधातेंच्या घरात बळी देण्यासाठी आणलं होतं, हे कळतं. आता कृष्णाची त्यावर काय प्रतिक्रिया असेल?

सिद्धार्थचा खोटेपणा उघड होणार?

मोठ्याबाईंना चक्कर आल्याचा, धक्का बसल्याचा संपुर्ण दोष सिड व देशमुख कुटुंबातील बायका अदितीला देतात. सिड अदितीला तू खोटं बोल्लीस असं सांग मोठ्याबाईला सांगायला सांगतो. अदिती सारं स्वतःवर घ्यायला तयार होते आणि त्यासाठी मुद्दाम घरातल्यांनी तिचा तिरस्कार करावा अशी वागू लागते. त्यामुळे देशमुख कुटुंबातील बायका अदितीला घराबाहेर काढणार इतक्यात मोठयाबाई ठाम भूमिका घेतात. आता पुढे सिद्धार्थचं काय होणार?

‘देवमाणूस’ पोलिसांच्या तावडीत अडकणार?

नीलमचा मर्डर झाल्यामुळे अजित पूर्णपणे गोंधळात आहे. डिम्पल अजितला पोलिसांच्या जाळ्यात अडकवते. जयसिंग बायकोला शोधतोय आणि अजितच्या रूममध्ये पोलीस दारू प्यायला बसले आहेत. त्यामुळे अजित आता पूर्णपणे अडकला आहे. नीलमची बॉडी बाहेर घेऊन जाताना पोलीस पकडतील याची त्याला भीती आहे. इतक्यात डिम्पल अजितला तिची माफी मागून तिला पार्टनर करून घ्यायची मागणी करतो. अजित डिम्पलची मागणी पूर्ण करेल का?

या सगळ्या प्रश्नांची उत्तरं प्रेक्षकांना रविवारी 20 फेब्रुवारीच्या 1 तासांच्या विशेष भागांत पाहायला मिळणार आहेत.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha