सुपरस्टार यशच्या चाहत्यांना धक्का, 'टॉक्सिक'च्या फिल्ममेकर्सकडून मोठा निर्णय; रिलीज डेट बदलली!
Yash Delays Toxic Release Amid Middle East Tensions: टॉक्सिक चित्रपटाची रिलीज डेट 19 मार्चवरून 4 जून करण्यात आली आहे.
Toxic movie release date latest update 2026: यशच्या टॉक्सिक सिनेमाच्या टीझरने प्रेक्षकांमध्ये क्रेझ निर्माण केलीये. धमाकेदार टीझर पाहून प्रेक्षकांनी हा चित्रपट पाहण्यासाठी उत्सुकता दर्शवली. 19 मार्च रोजी टॉक्सिक आणि धुरंधर 2 चित्रपटाची रिलीज डेट जाहीर करण्यात आली होती. एकाच दिवशी चित्रपट प्रदर्शित होणार असल्यामुळे बॉक्स ऑफिसवर तगडी फाईट पाहायला मिळाली असती, कारण दोन्ही सुपरस्टारचे चित्रपट एकाच दिवशी प्रदर्शित होणार होते. दरम्यान, टॉक्सिक चित्रपटाबाबत एक मोठी अपडेट समोर आली आहे. टॉक्सिक चित्रपटाच्या रिलीज डेटमध्ये बदल करण्यात आला आहे. हा चित्रपट आता 19 मार्च रोजी प्रेक्षकांच्या भेटीस येणार नाही.
यशच्या टॉक्सिक चित्रपटाच्या रिलीज डेटमध्ये बदल करण्यात आल्याची माहिती समोर आली आहे. हा चित्रपट आता 19 मार्च रोजी प्रेक्षकांच्या भेटीस येणार नाही. 19 मार्च रोजी फक्त धुरंधर 2 हाच चित्रपट प्रेक्षकांच्या भेटीस येणार आहे. टॉक्सिक हा चित्रपट आता 19 मार्चला नसून, 4 जून रोजी प्रेक्षकांच्या भेटीस येणार आहे. 4 मार्च रोजी सकाळी सुपरस्टार यशने एक पोस्ट सोशल मीडियात शेअर केली आहे. या पोस्टमध्ये त्यानं टॉक्सिक चित्रपटाच्या रिलीज डेटमध्ये करण्यात येणाऱ्या बदलबाबत माहिती दिली. त्यानं प्रॉडक्शन कंपनी KVN आणि मॉन्सटर माइंडची लांबलचक निवेदनही शेअर केले आहे.
आपल्या निवेदनात निर्मात्यांचे उद्दीष्ट शेअर करण्यात आले आहे. त्यांनी निवेदनात म्हटलं की, निर्मात्यांचे उद्दीष्ट हा चित्रपट ग्लोबल ऑडियंसपर्यंत पोहोचवणे आहे. मिडल ईस्टमध्ये सुरु असलेल्या तणावाच्या पार्श्वभूमीवर, हा चित्रपट पुढे ढकलण्यात येत असल्याचा निर्णय घेण्यात आला आहे. निवेदनात म्हटले की, 'जागतिक प्रेक्षकांसाठी सिनेमा करण्याच्या दृष्टिकोनातून टॉक्सिक हा चित्रपट आम्ही तयार केला आहे. कन्नड आणि इंग्रजी या भाषेत या चित्रपटाचे शूटिंग पूर्ण झाले आहे. जगभरातील प्रेक्षकांना या चित्रपटातून कनेक्ट करण्यासाठी हा सिनेमा तयार करण्यात आला आहे'.
View this post on Instagram
'कठोर परिश्रमानंतर, हा सिनेमा आम्ही 19 मार्च रोजी सिनेमागृहात प्रदर्शित करण्यास उत्सुक होतो. दरम्यान, सध्या मध्य पूर्वेत सुरु असलेल्या तणापूर्ण स्थितीमुळे याचा थेट प्रभाव या सिनेमावर होऊ शकतो', असं निवेदनातून स्पष्ट करण्यात आलं आहे. दरम्यान, यशच्या चाहत्यांसाठी नक्कीच मोठ्या धक्क्यापेक्षा कमी नाही. यशचे अनेक चाहते या चित्रपटासाठी उत्सुक आहेत. यश या चित्रपटाद्वारे तब्बल 4 वर्षांनंतर मोठ्या पडद्यावर परतत आहे. 2022 साली प्रदर्शित झालेल्या KGF 2 नंतर तो कोणत्याही सिनेमात दिसला नव्हता. दरम्यान, टॉक्सिक चित्रपटाच्या प्रदर्शनाची तारीख लाबंल्यामुळे अनेक चाहत्यांनी नाराजी व्यक्त केली.
महत्त्वाच्या बातम्या
