आलिया भट्टच्या 'अल्फा'ला OTT प्लॅटफॉर्मकडून 215 कोटींची ऑफर? नक्की सिनेमा कुठे रिलीज होणार, फिल्ममेकर्सनीच दिलं उत्तर!
Alia Bhatts Spy Thriller Alpha Not Heading to OTT: अल्फा हा चित्रपट फक्त सिनेमागृहात प्रदर्शित होणार. फिल्ममेकर्सकडून मोठी अपडेट समोर.
Yash Raj Films official statement on Alpha release: आलिया भट्ट सध्या तिचा आगामी चित्रपट अल्फामुळे चर्चेत आहे. या चित्रपटाचे शुटिंग सध्या प्रगतीपथावर आहे. दरम्यान, शुटिंग पूर्ण होण्याआधीच या चित्रपटाच्या प्रदर्शनाबाबत अनेक तर्क वितर्क लावण्यात येत आहे. हा चित्रपट सिनेमागृहात प्रदर्शित होणार असल्याची चर्चा होती. मात्र, आता या चर्चांवर पूर्णविराम मिळाला आहे. यशराज फिल्म्सने चर्चा आणि दाव्यांचे खंडन केले आहे. हा चित्रपट केवळ सिनेमागृहात प्रदर्शित होणार, यावर शिक्कामोर्तब करण्यात आला आहे. हा चित्रपट ओटीटीसाठी नाही तर, थिएटरमध्ये प्रदर्शित करण्यासाठी तयार करण्यात आला आहे, असं फिल्ममेकर्सने स्पष्ट केलं. ही माहिती समोर येताच चाहत्यांमध्ये आनंदाचे वातावरण आहे. हा चित्रपट सिनेमागृहात पाहण्यासाठी प्रेक्षकांनी उत्सुकता दर्शवली आहे.
आदित्य चोप्राच्या बॅनरखाली तयार होत असलेला, आलिया भट्ट आणि शर्वरी वाघ अभिनीत स्पाय थ्रिलर अल्फा हा चित्रपट सतत कोणत्या न कोणत्या कारणांमुळे चर्चेत आहे. बहुप्रतिक्षित स्पाय अॅक्शन चित्रपट थिएटरमध्ये प्रदर्शित होणार नाही, अशी अफवा काही दिवसांपासून सोशल मीडियावर पसरत आहे. थिएटरऐवजी, निर्मात्यांनी हा चित्रपट थेट डिजिटल प्लॅटफॉर्मवर प्रदर्शित करण्याचा निर्णय घेतला असल्याचं बोललं जात होतं. काही दिवसांपूर्वी, असे म्हटले जात होते की, निर्मात्यांनी हा चित्रपट थेट डिजिटल प्लॅटफॉर्मवर प्रदर्शित करण्याचा निर्णय घेतला आहे. परंतु, अलिकडेच यशराज फिल्म्सने या दाव्यांचे पूर्णपणे खंडन केले आहे. हा चित्रपट केवळ सिनेमागृहात प्रदर्शित करण्यासाठी तयार करण्यात आला असल्याचं फिल्ममेकर्सने स्पष्ट केलं.
मीडिया रिपोर्ट्सनुसार, यशराज फिल्म्सने नेटफ्लिक्स इंडियावर, अल्फा चित्रपट ऑनलाइन स्ट्रीम करण्यासाठी 215 कोटी रुपयांचा करार केला होता. त्यामुळे हा चित्रपट सिनेमागृहात प्रदर्शित होणार नाही, असं बोललं जात होतं. दरम्यान, एका मुलाखतीत, यशराज फिल्म्सच्या प्रवक्त्यांनी, हे वृत्त खोटे असल्याचे सांगितले. यशराज फिल्म्सच्या बॅनरखाली स्पाय युनिव्हर्स फ्रँचायझीमधील अल्फा हा पहिला चित्रपट आहे. ज्यामध्ये महिला ही मुख्य भूमिकेत आहे. हा चित्रपट ओटीटीसाठी नाही तर, थिएटरमध्ये प्रदर्शित करण्यासाठी तयार करण्यात आला असल्याचं त्यांनी स्पष्ट केलं.
शिव रवैल दिग्दर्शित अल्फा या चित्रपटात आलिया भट्ट आणि शर्वरी मुख्य भूमिकेत असून, दोघांचा अॅक्शन अवतार आपल्याला पाहायला मिळणार आहे. या चित्रपट ह्रतिक रोशन देखील एका विशेष भूमिकेत दिसणार असल्याची माहिती आहे. गेल्या वर्षी 25 डिसेंबर रोजी हा चित्रपट प्रदर्शित होणार होता. परंतु, काही कारणास्तव या चित्रपटाच्या प्रदर्शनाची तारीख पुढे ढकलण्यात आली. निर्माते हा चित्रपट 17 एप्रिल रोजी प्रदर्शित करण्याची योजना आखत आहेत.
महत्त्वाच्या बातम्या
