Vivek Oberoi on Salman Khan: 20 वर्षांनंतर सलमान खानच्या सपोर्टमध्ये विवेक ओबेरॉय मैदानात; बॉडी शेमिंगवर म्हणाला, 'नकारात्मक गोष्टी का...'
Vivek Oberoi on Salman Khan: विवेक ओबेरॉय सलमान खानने मांडलेल्या मुद्द्यांवर काय म्हणाला?
Vivek Oberoi Salman Khan Body Shaming: 'बिग बॉस 20'मध्ये (Bigg Boss 20) सलमान खानने (Salman Khan) ट्रोलर्सना कडक शब्दांत झापलं, तेव्हापासून संपूर्ण इंडस्ट्रीमध्ये त्याची विशेष चर्चा होत आहे. 'विकेंड का वार'मध्ये (Weekend ka vaar) त्याने शर्टलेस होऊन वय, लूक्स आणि बॉडी शेमिंगवर (Body Shaming) ट्रोल करणाऱ्यांना सडेतोड उत्तर दिलं. इंडस्ट्रीतील अनेक कलाकारांनी त्याचं कौतुक केलं. अनेकांनी सलमान खानचं कौतुक केलं. दरम्यान, आता अभिनेता विवेक ओबेरॉयने अप्रत्यक्षपणे सलमान खानच्या मुद्द्यांना पाठिंबा दिला. विवेक ओबेरॉयचा (Vivek Oberoi) सलमान खानला असलेला पाठिंबा चर्चेत असण्याचे कारण म्हणजे, गेल्या 20 वर्षांपासून दोघेही एकमेकांशी बोलत नाहीयेत. दरम्यान, आता विवेक ओबेरॉयने सलमान खानने मांडलेल्या मुद्द्याला दिलेला पाठिंबा सिनेइंडस्ट्रीत चर्चेचा विषय ठरत आहे.
सलमान खानने ट्रोलर्सना सुनावलं, विवेक ओबेरॉयनेही ट्रोलिंगवर आपलं मत मांडलं (Vivek Oberoi on Salman Khans Anti Trolling Stand)
अभिनेता विवेक ओबेरॉयने अलिकडेच IANS या वृत्तसंस्थेला मुलाखत दिली होती. यावेळी अभिनेत्याने विविध मुद्द्यांवर चर्चा केली. अशातच त्याने वाढत्या ट्रोलिंगवरही प्रतिक्रिया दिली आहे. 'ट्रोलिंग करण्याऐवजी सकारात्मक गोष्टींकडे जास्त लक्ष केंद्रीत करा', असं त्याने म्हटलं होतं. सलमान खानने ट्रोलिंगवर दिलेल्या रिअॅक्शनवर झालेल्या चर्चांवर विवेक ओबेरॉय म्हणाला की, 'आपल्या आयुष्यात बऱ्याच सकारात्मक गोष्टी घडतात. पण आपण नकारात्मककडे लक्ष देतो', असं विवेक म्हणाला. 'आयुष्यात Positive करणाऱ्यासारख्या अनेक गोष्टी आहेत. पण आपल्याला नकारात्मक गोष्टी का हव्या आहेत? आपल्याला निगेटिव्हिटीची गरजच काय?', असा सवालही यावेळी विवेक ओबेरॉयने उपस्थित केला.
असं म्हटलं जातं की, सलमान खानने अभिनेत्री कतरिना कैफसाठी स्टँड घेतला होता. सध्या कतरिनाला प्रेग्नेंसीनंतर वाढत्या वजनावरूनही ट्रोल केलं जात आहे. कतरिना कैफ अलिकडेच गणेश चतुर्थीच्या निमित्ताने अंबानी कुटुंबाच्या गणपती सेलिब्रेशनसाठी पती विक्की कोशलसोबत गेली होती. प्रेग्नेंसीनंतर कतरिना कैफचं वजन वाढलं असल्याचं पाहायला मिळालं. यामुळे कतरिना कैफला ट्रोलिंगचा सामना करावा लागला. सोशल मीडियावर तिचे फोटोस आणि व्हिडीओस सोशल मीडियात व्हायरल झाले. काहींनी बॉडी शेमिंग करण्यास सुरुवात केली. दरम्यान, सलमान खानने बिग बॉस 20च्या विकेंड का वारमध्ये, प्रेग्नेंसीमध्ये वजन वाढल्यावर महिलांना ट्रोल करणं गरजेचं आहे का? असा सवाल उपस्थित केला. तसेच ट्रोलर्सना झापलं.
महत्त्वाच्या इतर बातम्या:
महत्त्वाच्या बातम्या
