Veer Daudale Saat : सरनोबत प्रतापराव गुजर अन् त्यांच्या सहा एकनिष्ठ हिऱ्यांची शौर्यगाथा; 'वीर दौडले सात'चं मोशन पोस्टर रिलीज

नुकताच वीर दौडले सात (Veer Daudale Saat) या चित्रपटाचा मोशन पोस्टर रिलीज करण्यात आला आहे. 

mahesh manjrekar

Veer Daudale Saat : मराठी चित्रपटसृष्टीमधील प्रसिद्ध चित्रपट निर्माते आणि दिग्दर्शक महेश मांजरेकर (Mahesh Manjrekar) यांच्या चित्रपटांना प्रेक्षकांची विशेष पसंती मिळते. महेश यांचे चित्रपट हे वेगवेगळ्या विषयांवर आधारित असतात. लवकरच त्यांचा  वीर दौडले सात (Veer Daudale Saat) हा चित्रपट प्रेक्षकांच्या भेटीस येणार आहे. काल (2 एप्रिल) महेश यांनी या चित्रपटाचा मोशन पोस्टर अक्षय्य तृतियेच्या दिवशी रिलीज होणार असल्याची माहिती सोशल मीडियावर दिली होती. आता नुकताच या चित्रपटाचा मोशन पोस्टर रिलीज करण्यात आला आहे. 

'वीर दौडले सात' या चित्रपटाच्या मोशन पोस्टरला महेश मांजरेकरांनी स्वत: आवाज दिला आहे. वीर दौडले सात या चित्रपटाचे लेखन पराग कुलकर्णी यांनी केले आहे. तसेच निर्मिती वसिम कुरेशी यांनी केले आहे. चित्रपटामधील व्हीएफएक्स इफेक्ट्स हे आशुतोष पांडे यांनी केले आहेत. चित्रपटाच्या मोशन पोस्टरमध्ये सरनोबत प्रतापराव गुजर अन् त्यांच्या सहा एकनिष्ठ हिऱ्यांबाबत सांगितलं आहे. हा  मोशन पोस्टर महेश मांजरेकरांनी सोशल मीडियावर शेअर केला आहे. त्यांनी मोशन पोस्टर शेअर करून कॅप्शनमध्ये लिहिले, 'छत्रपतींचा आदेश, वाहे सळसळत्या रक्तात, वीर वीर वीर वीर वीर वीर, दौडले सात' 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mahesh Manjrekar (@maheshmanjrekar)

मराठीबरोबरच हिंदी भाषेमधील देखील मोशन पोस्टर रिलीज करण्यात आला आहे. हा चित्रपट हिंदी भाषेमध्ये देखील रिलीज होणार आहे. या चित्रपटाच्या हिंदी व्हर्जनचं नाव 'वे सात' असं असणार आहे. हा चित्रपट 2023 मध्ये दिवाळीला प्रदर्शित होणार आहे. 

संबंधित बातम्या