Vachan Dile Tu Mala Star Pravah Serial Track: स्टार प्रवाहच्या 'वचन दिले तू मला' मालिकेत धमाकेदार ट्विस्ट; पद्माचं लग्न रोखण्यासाठी शौर्य-ऊर्जाचा प्लॅन, वेशांतर करुन...
Vachan Dile Tu Mala Star Pravah Serial Track: स्टार प्रवाहची गाजलेली मालिका 'वचन दिले तू मला' मालिकेत धमाकेदार ट्विस्ट पाहायला मिळणार आहे.
Vachan Dile Tu Mala Star Pravah Serial Track: स्टार प्रवाहवरील (Star Pravah) 'वचन दिले तू मला' (Vachan Dile Tu Mala) मालिकेचं कथानक अत्यंत उत्कंठावर्धक वळणावर येऊन पोहोचलं आहे. ज्या पद्माच्या न्यायासाठी या कहाणीची सुरुवात झाली, तीच पद्मा आता हर्षवर्धनच्या दबावाखाली येऊन विक्रांतसोबत लग्न करण्यास तयार झाली आहे. मात्र, पद्माचं लग्न रोखण्यासाठी आणि तिला न्याय मिळवून देण्यासाठी शौर्य आणि ऊर्जा कोणतीही कसर सोडणार नाही आहेत. याचसाठी शौर्य आणि ऊर्जा एक भन्नाट प्लॅन आखणार आहेत. या मिशनसाठी दोघंही वेषांतर करून थेट लग्नमंडपात पोहोचणार आहेत. पत्रकार आणि कॅमेरामनच्या रुपात त्यांची एण्ट्री होणार असून त्यांचा हा अनोखा लूक लक्षवेधी ठरणार आहे.
शौर्य आणि ऊर्जाची भूमिका साकारणारे अभिनेता इंद्रनील कामत (Actor Indranil Kamat) आणि अभिनेत्री अनुष्का सरकटे (Actress Anushka Sarkate) हा नवा लूक साकारण्यासाठी प्रचंड उत्सुक आहेत. या वेषांतरासाठी 'वचन दिले तू मला' मालिकेच्या संपूर्ण टीमने विशेष मेहनत घेतली आहे. मेकअप आर्टिस्ट (Makeup artist) सिद्धेश परब आणि सुनील पवार यांनी लूकवर इतकं बारकाईने काम केलं की, सेटवर तयार होऊन आल्यानंतर कलाकारांना अनेकांनी पहिल्याच नजरेत ओळखलंच नाही. प्रेक्षकांना हा लूक नक्की आवडेल याची खात्री आहे अशी भावना इंद्रनील आणि अनुष्काने व्यक्त केली.
शौर्य आणि ऊर्जाचा हा धाडसी डाव यशस्वी होणार का? पद्माचं लग्न थांबणार का? हर्षवर्धनच्या कारस्थानांचा पर्दाफाश होणार का? या सर्व प्रश्नांची उत्तरं मिळवण्यासाठी 'वचन दिले तू मला' मालिकेचे येणारे एपिसोड्स न चुकता पाहा.
महत्त्वाच्या इतर बातम्या :
महत्त्वाच्या बातम्या
