बॉर्डर 2 च्या प्रदर्शनाने 'बॉर्डर'ची थरारक आठवण; सिनेमागृहात आग, चेंगराचेंगरी अन् धुराचे लोट, 59 जणांचा मृत्यू, 'त्या' दिवशी नेमकं काय घडलं?
Border Film and the Deadly Uphaar Theatre Incident: 13 जून 1997 रोजी दिल्लीतील उपहार सिनेमागृहात भीषण आग लागली होती. या घटनेत 59 जणांचा दुर्देवी मृत्यू झाला होता.
Border Film and the Deadly Uphaar Theatre Incident: सनी देओलचा बॉर्डर 2 हा चित्रपट सिनेमागृहात धुमाकूळ घालत आहे. प्रेक्षक 1997 साली प्रदर्शित झालेल्या बॉर्डर चित्रपटाच्या आठवणींना उजाळा देत आहेत. अजूनही बॉर्डर हा चित्रपट आणि या चित्रपटातील गाणी आवर्जून ऐकली जाते. दरम्यान, बॉर्डर हा चित्रपट प्रदर्शित झाल्यानंतर एक मोठी घटना घडली होती. या दुर्देवी घटनेत एकूण 59 लोकांचा मृत्यू झाला होता. माहितीनुसार, मृतांमध्ये एकूण 23 लहान मुलांचाही समावेश होता. उपहार सिनेमागृहात बॉर्डर चित्रपट प्रदर्शित झाला. तेव्हा सिनेमागृहात अचानक शॉर्टसर्किटची घटना घडली. या घटनेत संपूर्ण सिनेमागृहात आगीचा भडका उडाला. एकूण 59 लोकांचा दुर्देवी मृत्यू झाला. या दुर्घटनेवर आधारीत 2023 साली 'ट्रायल बाय फायर' ही सिरीज तयार करण्यात आली होती. या सिरीजच्या निर्मात्यांना अनेक पुरस्कारांनी सन्मानित करण्यात आले आहे. या घटनेनंतर सर्वत्र खळबळ उडाली.
ही भयंकर घटना 13 जून 1997 रोजी दिल्लीतील ग्रीन पार्क परिसरातील उपहार सिनेमागृहात घडली आहे. 1997 हे वर्ष हिंदी चित्रपटसृष्टीसाठी महत्त्वाचे होते. शाहरूख खान अभिनीत तीन चित्रपटांनी बॉक्स ऑफिसवर धुमाकूळ घातला होता. गोविंदा आणि अनिल कपूरचे देखील सिनेमा रिलीज झाले होते. दरम्यान, जे.पी. दत्ता यांनी त्यांच्या बॉर्डर या चित्रपटाचे पोस्टर रिलीज केले आहे. देशभक्तीपर या चित्रपटाची प्रेक्षकवर्ग आतुरतेने वाट पाहत होते. 13 जून 1997 रोजी बॉर्डर चित्रपट जेव्हा उपहार सिनेमागृहात प्रदर्शित झाला, तेव्हा सर्वत्र खळबळ उडाली. उपहार सिनेमागृहातील ट्रान्सफॉर्मरमध्ये शॉर्ट सर्किट झाला. क्षणात सिनेमागृहाने पेट घेतला. पडद्यावरून आगीच्या ज्वाळा पडत होते. क्षणात आग सिनेमागृहात पसरली.
धुराने संपूर्ण थिएटर व्यापला होता. लोक जीव वाचवण्यासाठी सैरावैर धावत सुटले. मीडिया रिपोर्ट्सनुसार, आगीमुळे कुणाचाही मृत्यू झाला नाही, तर धुरामुळे गुदमरल्यामुळे मृत्यू झाला असल्याची माहिती समोर आली. या आगीत गुदमरून एकूण 59 जणांचा मृत्यू झाला. या मृतांमध्ये 23 मुलांचा समावेश होता. एक महिन्याच्या मुलाचा देखील आगीत गुदमरून मृत्यू झाला होता. या घटनेनंतर परिसरात खळबळ उडाली.
प्रशांत नायर आणि रणदीप झा यांनी या प्रकरणावर आधारीत ट्रायल बाय फायर ही सिरीज तयार केली होती. या सिरीजमध्ये अभय देओल आणि राजश्री देशपांडे यांनी मुख्य भूमिका साकारली होती. या सिरीजला प्रेक्षकांकडून उत्स्फूर्त प्रतिसाद मिळाला. या सिरीजला IMDbकडून 7.6 रेटिंग मिळाले.
महत्त्वाच्या बातम्या
