Tumbadchi Manjyla Box Office Collection: तुंबाडच्या मंजुळेचा बॉक्स ऑफिसवर धुमाकूळ! चार दिवसांतच कोटींची उड्डाणं; आतापर्यंत किती कमावले?
दोन दिवसांतच चित्रपटाने बजेटचा लक्षणीय हिस्सा वसूल केल्याचे चित्र आहे. त्यामुळे येत्या आठवड्यात चित्रपट नफ्याच्या दिशेने वाटचाल करेल, अशी अपेक्षा व्यक्त होत आहे.
Tumbadchi Manjula Box office collection: मराठी चित्रपटसृष्टीसाठी यंदाचे वर्ष चांगलेच गाजताना दिसत आहे. 'राजा शिवाजी' आणि 'देऊळ बंद 2'नंतर आता 'तुंबाडची मंजुळा' या चित्रपटानेही प्रेक्षकांना भुरळ घातली आहे. हॉरर आणि कॉमेडीचा तडका असलेल्या या चित्रपटाने प्रदर्शनाच्या अवघ्या दोन दिवसांत बॉक्स ऑफिसवर दमदार छाप पाडली आहे. 5 जून रोजी चित्रपटगृहांमध्ये दाखल झालेल्या 'तुंबाडची मंजुळा'ला पहिल्याच दिवसापासून प्रेक्षकांचा उत्स्फूर्त प्रतिसाद मिळताना दिसला. रिलीजच्या दिवशी चित्रपटाने 54 लाख रुपयांची कमाई करत समाधानकारक सुरुवात केली. मात्र, खरा खेळ दुसऱ्या दिवशी सुरू झाला. शनिवारी चित्रपटाच्या तिकीटबारीवर गर्दी वाढली आणि कमाई थेट 98 लाख रुपयांपर्यंत पोहोचली.
पहिल्या दिवसाच्या तुलनेत दुसऱ्या दिवशी झालेली ही झेप तब्बल 81 टक्क्यांहून अधिक असल्याचे सांगितले जात आहे. त्यामुळे चित्रपटाच्या यशाबाबतचा आत्मविश्वास निर्मात्यांमध्ये आणि वितरकांमध्ये वाढला आहे.
4 दिवसांत किती कमावले?
आतापर्यंतच्या आकडेवारीनुसार, 'तुंबाडची मंजुळा'ने देशांतर्गत बाजारात 3.70 कोटी रुपयांचे कलेक्शन केले आहे. तर एकूण नेट कमाई 3.31 कोटी रुपयांच्या घरात पोहोचली आहे. विशेष म्हणजे, सध्या अनेक चित्रपट थिएटरमध्ये सुरू असतानाही या चित्रपटाने स्वतःचा स्वतंत्र प्रेक्षकवर्ग तयार केला आहे. .
चित्रपटाला मिळत असलेला सकारात्मक प्रतिसाद पाहता रविवारीही कमाईत आणखी वाढ झाली. शक्यता वर्तवली जात आहे. दरम्यान, चित्रपटाच्या निर्मितीसाठी सुमारे 6 कोटी रुपये खर्च झाल्याची चर्चा आहे. अधिकृत आकडा समोर आलेला नसला तरी दोन दिवसांतच चित्रपटाने बजेटचा लक्षणीय हिस्सा वसूल केल्याचे चित्र आहे. त्यामुळे येत्या आठवड्यात चित्रपट नफ्याच्या दिशेने वाटचाल करेल, अशी अपेक्षा व्यक्त होत आहे.
प्रेक्षकांना नेमकं काय आवडलं?
'तुंबाडची मंजुळा'च्या कथानकासोबतच त्यातील भय आणि विनोदाचा समतोल प्रेक्षकांच्या पसंतीस उतरला आहे. सोशल मीडियावरही चित्रपटाबाबत सकारात्मक प्रतिक्रिया पाहायला मिळत असून, त्याचा थेट फायदा तिकीटबारीवर होत असल्याचे मानले जात आहे. अनेक प्रेक्षक चित्रपटाची शिफारस करत असल्याने वर्ड-ऑफ-माऊथची ताकदही चित्रपटाला मिळतेय आहे.
विविध कोरगावकर दिग्दर्शित या चित्रपटाची निर्मिती भावेश जानवळेकर यांनी केली आहे. जितेंद्र जोशी, सई ताम्हणकर, ओम भूतकर, मकरंद अनासपुरे, उषा नाडकर्णी आणि अंशुमन विचारे यांच्या भूमिका प्रेक्षकांच्या विशेष पसंतीस उतरत आहेत. एकंदर पाहता, सुरुवातीच्या दोन दिवसांत मिळालेला प्रतिसाद लक्षात घेता 'तुंबाडची मंजुळा' मराठी चित्रपटसृष्टीतील आणखी एक हिट चित्रपट ठरण्याची चिन्हे दिसत आहेत. आता पुढील आठवड्यात हा चित्रपट किती वेगाने धावतो, याकडे सर्वांचे लक्ष लागले आहे.
महत्त्वाच्या बातम्या
