Tiger Shroff Attack Incident Salman Khan: टायगर श्रॉफवर हल्ला होताच भाईजानची सुरक्षा वाढवली, मुंबई पोलीस अलर्ट मोडवर, कारण काय..
Tiger Shroff Shooting Incident: टायगर श्रॉफच्या गाडीवरील हल्ल्यानंतर सलमान खानच्या घराबाहेर सुरक्षेत वाढ.
Tiger Shroff Salman Khan: बॉलिवूड अभिनेता टायगर श्रॉफच्या (Tiger Shroff) चारचाकीवर काल रात्री 18 ऑक्टोबर रोजी जीवघेणा हल्ला झाला. अज्ञात हल्लेखोरांनी त्याच्या चारचाकीवर गोळीबार केला. सुदैवाने टायगर श्रॉफला (Tiger Shroff Firing) कोणतीही दुखापत झालेली नाही. पण ड्रायव्हर जखमी झाला आहे. तसेच आणखी एक ऑटो ड्रायव्हर जखमी झाला असल्याची माहिती समोर आली आहे. या घटनेनंतर सिनेइंडस्ट्रीत भीतीचे वातावरण निर्माण झाले आहे. टायगर श्रॉफवरील जीवघेण्या हल्ल्याची जबाबदारी लॉरेन्स बिश्नोईने (Lawrence Bishnoi) घेतली आहे. त्याने टायगरसह इतर बॉलिवूड कलाकारांना अभिनेता सलमान खानपासून (Salman Khan) दूर राहण्याची धमकी दिली आहे. दरम्यान, या सर्व प्रकरणात मुंबई पोलीस अलर्ट मोडवर आली असून, पोलिसांनी वांद्रे (Bandra Galaxy Apartment) येथील सलमान खानच्या गॅलेक्सी अपार्टमेंटमधील सुरक्षाही वाढवली आहे.
सलमान खानच्या निवासस्थानाबाहेर पोलिसांकडून सुरक्षेत वाढ (Salman Khans Mumbai Bandra Galaxy Apartment Security Increased)
मुंबई पोलिसांकडून सध्या हल्लेखोरांचा तपास सुरु आहे. मिळालेल्या माहितीनुसार, मुंबई पोलिसांनी गोळीबार प्रकरणात वापरलेली दुचाकी जप्त केली आहे. बाईकच्या नंबर प्लेटवरुन सध्या हल्लेखोरांचा तपास केला जात आहे. मुख्य म्हणजे या हल्ल्यानंतर लॉरेन्स बिश्नोई टोळीने सोशल मीडियावर पोस्ट शेअर केली आहे. या पोस्टच्या माध्यमातून बिश्नोई टोळीनं हल्ल्याची जबाबदारी स्वीकारली आहे. दरम्यान, आता मुंबई पोलीस अलर्ट मोडवर आली असून, बॉलिवूड अभिनेता सलमान खानच्या गॅलेक्सी अपार्टमेंटमधील सुरक्षा वाढवली आहे.
मिळालेल्या माहितीनुसार, गॅलेक्सी अपार्टमेंट परिसरात सध्या बुलटप्रूफ जॅकेट घातलेले पोलीस तैनात करण्यात आले आहेत. गॅलेक्सी अपार्टमेंट परिसरात पोलीस वाहने देखील उपस्थित आहेत. दरम्यान, सलमान खानने जाहीर केले की, तो 'बिग बॉल 20'च्या पुढच्या भागात 'विकेंड का वार' एपिसोडमध्ये दिसणार नाही. काल 'विकेंड का वार'मध्ये सलमान खानने स्वत:सदस्यांना याची माहिती दिली. सलमान खानने सांगितले की, कामातील काही वर्क कमिटमेंटमुळे तो या आठवड्याच्या शोचे सूत्रसंचालन करणार नाही. त्याच्या जागी रोहित शेट्टी दिसणार आहे.
महत्त्वाच्या इतर बातम्या:
महत्त्वाच्या बातम्या
