Tiger Shroff Aamir Khan Target: टायगर श्रॉफ हल्ला प्रकरणात हादरवणारी माहिती समोर, लॉरेन्स बिश्नोई गँगचं पहिलं टार्गेट कोण, प्लॅन का बदलला?
Tiger Shroff Attack case: हल्लेखोरांचं पहिलं टार्गेट आमिर खान असल्याचा तपास यंत्रणांचा संशय.
Tiger Shroff Attack case Aamir Khan was Target: बॉलिवूड अभिनेता टायगर श्रॉफ (Tiger Shroff) प्रकरणात पोलिसांना तपासात विविध धागेदोरे सापडत आहेत. 18 ऑक्टोबर रोजी अभिनेत्यावर जीवघेणा हल्ला करण्यात आला. एका हल्लेखोराची बंदूक लॉक झाल्याकारणाने अभिनेता (Tiger Shroff Attack) थोडक्यात बचावला. आतापर्यंत या प्रकरणात पोलिसांनी एकूण 11 जणांना ताब्यात घेतलं आहे. सुरुवातीला पोलिसांनी (Police) राजस्थानच्या कोटा येथून 3 आरोपींच्या मुसक्या आवळल्या आहेत. या प्रकरणात लॉरेन्स बिश्नोईचा (Lawrenece Bishnoi) हात असल्याचं बोललं जात आहे. 11 व्या आरोपीचं नाव प्रांजल ठाकर असल्याची माहिती आहे. त्याला 6 दिवसांची पोलीस कोठडी सुनावण्यात आली आहे. या प्रकरणाचा मास्टरमाइंड कोण? याचा तपास सुरू आहे. दरम्यान, टायगर श्रॉफच्या गोळीबार प्रकरणात मोठा खुलासा करण्यात आला आहे. मिळालेल्या माहितीनुसार, हल्लेखोरांचं पहिलं टार्गेट आमिर खान (Aamir Khan) असल्याचा संशय तपास यंत्रणाला आहे. ही माहिती उघड होताच सिनेसृष्टीला (Bollywood) आणखी एक मोठा धक्का बसला आहे.
हल्लेखोरांचं पहिलं टार्गेट आमिर खान? बॉलिवूडला हादरवणारी माहिती समोर (Aamir Khan Was the First Target New Twist in Tiger Shroff Attack Case)
टायगर श्रॉफच्या गोळीबार प्रकरणात मोठा खुलासा करण्यात आला आहे. हल्लेखोरांचं पहिलं टार्गेट मिस्टर परफेक्शनिस्ट आमिर खान असल्याचा संशय तपास यंत्रणेला आहे. मुंबईत आमिर खानपर्यंत पोहोचता येत नसल्याने टायगर श्रॉफला लक्ष्य केल्याची माहिती, पोलीस सुत्रांकडून प्राप्त झाली आहे. मिळालेल्या माहितीनुसार, आमिर खानच्या घराजवळ हल्लेखोरांनी किमान तीन वेळा रेकी केल्याची माहिती समोर आली आहे.
आमिर खान सध्या आपल्या कामानिमित्त आगामी चित्रपटाच्या शूटिंगमध्ये तो बाहेर व्यस्त आहे. अनेक दिवस अभिनेता घराबाहेर न पडल्याने हल्लेखोरांना त्याच्यावर हल्ला करण्यासाठी संधी मिळाली नाही. त्यानंतर टायगर श्रॉफ अधिक सहज उपलब्ध असल्याने त्याला लक्ष्य केल्याचा दावा तपासातून उघड झाला आहे. टायगर श्रॉफ रविवारी फुटबॉल खेळण्यासाठी बाहेर पडत असल्याची माहिती हल्लेखोरांना मिळाली होती. यानंतर टायगर श्रॉफला थेट टार्गेट करण्यात आले. माहितीनुसार, जुलै महिन्यात आमिर खानल लॉरेन्स बिश्नोई टोळीकडून धमकी मिळाली होती. याच पार्श्वभूमीवर पोलिसांकडून तपास सुरु असल्याची माहिती मिळाली आहे. दरम्यान, ही माहिती समोर येताच बॉलिवूड कलाकारांमध्ये चिंतेचं वातावरण निर्माण झालं आहे. बॉलिवूड कलाकार सुरक्षित आहेत का? हा देखील प्रश्न सध्या उपस्थित होत आहे.
महत्त्वाच्या इतर बातम्या:
महत्त्वाच्या बातम्या
