सलमान खानला पुन्हा लॉरेन्श बिश्नोईची धमकी ते सिंघम अगेनची बॉक्स ऑफिसवर जोरदार कमाई; जाणून घ्या मनोरंजनसृष्टीसंबंधित बातम्या...

Telly Masala : मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

सलमान खानला जिवंत रहायचं असेल तर...; 'भाईजान'ला पुन्हा एकदा लॉरेन्स बिश्नोई गँगची धमकी

Salman Khan Lawrence Bishnoi Death Threat : अभिनेता सलमान खानला पुन्हा एकदा धमकी मिळाली आहे. लॉरेन्स बिश्नोईच्या भावाने आता सलमान खानला धमकी दिली आहे. सलमान खाननं माफी मागावी, अन्यथा त्याला जीवे मारण्याची धमकी देण्यात आली आहे. मुंबई पोलिसांना धमकीचा मेसेज आला आहे. धमकी देणाऱ्याने लॉरेन्स बिष्णोईच्या नावाने धमकीचा मेसेज मुंबई पोलिसांच्या वाहतूक नियंत्रण कक्षाला पाठवला आहे.

सिंघम अगेनची बॉक्स ऑफिसवर जोरदार कमाई तरीही निर्मात्यांचं कोट्यवधींचं नुकसान; नेमकं काय चुकलं?

Singham Again Box Office Collection : बॉलिवूडमधील आघाडीच्या दिग्दर्शकांपैकी एक रोहित शेट्टीचा बहुचर्चित सिंघम अगेन चित्रपट दिवाळीच्या शुभ मुहूर्तावर थिएटरमध्ये रिलीज झाला. अवघ्या काही दिवसांतच चित्रपटाने 100 कोटींचा टप्पा पार केला आहे. सिंघम अगेन चित्रपटाची बॉक्स ऑफिसवर जोरदार घोडदौड सुरु असल्याचं पाहायला मिळत आहे. रोहित शेट्टी आणि अजय देवगण यांच्या बहुप्रतिक्षित सिंघम अगेन चित्रपटाला प्रेक्षकांची पसंती मिळताना दिसत आहे. चित्रपटाने पहिल्या आठवड्यात चांगली कमाई केली आहे. दरम्यान, मल्टीस्टारर सिंघम अगेन बॉक्स ऑफिसवर चांगलं कलेक्शन करत असला, तरी निर्मात्यांना कोट्यवधींचं नुकसान झालं आहे.

कॉमेडी किंग अजितदादांचा प्रचार करणार, सयाजी शिंदेंनंतर भाऊ कदमांची राष्ट्रवादीच्या घड्याळाला साथ

Maharashtra Vidhan Sabha Election : आगामी विधानसभा निवडणुकांच्या पार्श्वभूमीवर राज्यात प्रचंड चुरस रंगल्याचं पाहायला मिळत आहे. अशातच आता प्रत्येक पक्षानं प्रचाराचा धुरळा उडवला आहे. भव्य रॅली, जाहीर सभा यांसारखे अनेक फंडे राजकीय पक्ष प्रचारासाठी वापरत असल्याचं पाहायला मिळत आहे. अशातच अनेक सेलिब्रिटीदेखील अनेक राजकीय पक्षांचा प्रचार करताना पाहायला मिळत आहेत. अजित पवारांच्या राष्ट्रवादी काँग्रेसमध्ये अभिनेते सयाजी शिंदे यांनी प्रवेश केला असून आता पक्षाच्या प्रचाराची धुरादेखील ते सांभाळताना दिसणार आहेत. अशातच, सयाजी शिंदेंपाठोपाठ आता प्रसिद्ध कॉमेडी किंग भाऊ कदम देखील अजित पवारांच्या राष्ट्रवादीचा प्रचार करताना दिसणार आहे. 

मराठी अभिनेत्रींना हिंदी चित्रपटात कामवाल्या बाईची भूमिका का मिळते? अभिनेत्रीने सांगितलं पडद्यामागचं सत्य

Trupti Khamkar : मराठी चित्रपटसृष्टीतील अनेक कलाकार हिंदी चित्रपटसृष्टीत आपल्या अभिनयाचा ठसा उमटवत आहेत. सई ताम्हणकर, सिद्धार्थ, जाधव, प्रिया बापट, मुक्ता बर्वे, जितेंद्र जोशी, अमेय वाघ, वैभव तत्ववादी यासारख्या अनेक मराठी कलाकारांनी बॉलिवूड चित्रपट आणि वेब सीरीजमध्ये अभिनयाची जादू दाखवली आहे. काही मराठी कलाकार बिग बजेट प्रोजेक्टमध्येही दिसले आहेत, असं असलं तरी दुसरीकडे मराठी अभिनेत्रीना हिंदी चित्रपटांमध्ये कामवाल्या बाईची भूमिका दिला जाते. मराठी अभिनेत्रींना हिंदी चित्रपटात कामवाल्या बाईची भूमिका का मिळते? याचा मोठा खुलासा अभिनेत्री तृप्ती खामकरने केला आहे.

'हास्यजत्रा' फेम पृथ्वीक प्रतापला लग्नासाठी होकार का दिला? प्राजक्ता वायकुळनं स्वत: सांगितलं कारण; जाणून तुम्हीही म्हणालं, "वाह... मुलगा असावा तर असा"

Prithvik Pratap - Prajakta Waikul Love Story : कॉमेडीयन आणि अभिनेता पृथ्वीक प्रताप नुकताच प्राजक्ता वायकुळ हिच्यासोबत लग्नबंधनात अडकला आहे. पृथ्वीक आणि प्राजक्ता यांनी गुपचूप लग्न उरकलं, त्यानंतर सोशल मीडियावर रोमँटिंक फोटो पोस्ट करत चाहत्यांसोबत गोड बातमी शेअर केली. यानंतर चाहत्यांना चांगलाच धक्का बसला होता. अलिकडेच हे नवविवाहित जोडपं देवदर्शनालाही पोहोचलं होतं. पृथ्वीकने लाँगटाईम गर्लफ्रेंड प्राजक्तासोबत लग्नगाठ बांधली. यानंतर दोघांची लव्हस्टोरी जाणून घेण्याची चाहत्यांमध्ये फार उत्कंठा दिसून येत आहे. आता प्राजक्ताने पृथ्वीकला लग्नासाठी होकार का दिला, याचं कारण तिने स्वत: सांगितलं आहे.

आमिर खानच्या 'या' चित्रपटाचं तीन वेळा बदललं नाव, चौथ्यांदा झालं फायनल, 50 कोटींचं बजेट असलेल्या चित्रपटानं केली तिप्पट कमाई

Bollywood Movie : आमिर खान (Aamir Khan) आणि करीना कपूर (Kareena Kapoor) यांनी अनेक चित्रपटांमध्ये एकत्र काम केलं आहे. त्यातलाच एक चित्रपट म्हणजे तलाश (Talaash). या चित्रपटात आमिरसोबत करीना कपूर आणि राणी मुखर्जी (Rani Mukharjee) मुख्य भूमिकेत दिसल्या होत्या. आमिर खाननं या चित्रपटासाठी स्विमिंग शिकलं होतं. ते शिकण्यासाठी त्याला तब्बल चार महिले लागले होते. या चित्रपटासाठी सैफ अली खान (Saif Ali Khan), सलमान खान (Salman Khan) आणि शाहरुख खान (Shahrukh Khan) यांना अप्रोच करण्यात आलं होतं. मात्र, या सर्वांनी स्पष्ट नकार दिला. त्यानंतर या चित्रपटासाठी आमीर खानची निवड करण्यात आली. पण, ते म्हणतात ना नकटीच्या लग्नाला सतराशे विघ्न, असाच काहीसा प्रकार या चित्रपटाच्या बाबतीत पाहायला मिळाला. या चित्रपटाला नावंच मिळत नव्हतं. सुरुवातीला काहीतरी वेगळं नाव देण्याचं ठरवण्यात आलं. त्यानंतर पुन्हा ते नाव बदलण्यात आलं. 

Hema Malini Most Expensive Film : हेमा मालिनी यांचा सर्वात महागडा चित्रपट, ज्यामुळे अख्खं बॉलिवूड कर्जात बुडालं; डायरेक्टरचं करिअर उद्ध्वस्त झालं

Hema Malini Most Expensive Film : 1970 आणि 80 च्या दशकात हिंदी चित्रपटसृष्टीत एक वेगळा बदल दिसून आला. अमिताभ बच्चन यांच्या अँग्री यंग मॅनच्या धमाकेदार सुरुवातीमुळे रुपेरी पडद्यावर झळकणारे चित्रपट आणखी भव्य आणि मोठे झाले. शोले रिलीज झाल्यानंतर लगेचच, चित्रपट निर्माते कमाल अमरोही यांनी त्याच प्रमाणात पीरियड ड्रामा बनवण्याचा निर्णय घेतला. त्याचा ड्रीम प्रोजेक्ट जो पुढचा मुघल-ए-आझम होता, तो बनवायला तब्बल सात वर्ष लागली. पण त्याचे परिणाम पुढे इतके घातक होते की, संपूर्ण फिल्म इंडस्ट्री कर्जात बुडाली.

Mithya 2 Review : ना सस्पेंस, ना कथा, ना अभिनय; मिथ्या 2 कडून पुरती निराशा

Mithya 2 Web Series Review : जर तुम्ही सिंघम अगेन आणि भूल भुलैया चित्रपटामुळे निराश झाला असाल आणि तुम्हाला ओटीटीवर काहीतरी चांगलं पाहावं असं वाटत असेल, तर इथेही तुमच्या पदरी निराशा येणार आहे. अभिनेत्री हुमा कुरेशीची मिथ्या 2 ही थ्रिलर-सस्पेंस वेब सीरीज ZEE5 वर रिलीज झाला आहे. ही वेब सीरीज सिंघम अगेन आणि भूल भुलैया सारखीच आहे. ज्याचा पहिला भाग चांगला होता पण, दुसरा भाग प्रेक्षकांच्या अपेक्षा पूर्ण करु शकला नाही.