Tuzech Mi Geet Gaat Aahe:
तुझेच मी गीत गात आहे (Tuzech Mi Geet Gaat Aahe) या मालिकेच्या प्रोमोमध्ये दिसत आहे की, स्वराज ऊर्फ स्वराला आता बोलता येत आहे. हे पाहुन मल्हारला आनंद होतो. यावेळी स्वरा म्हणजेच स्वराज ही सर्वांना सत्य सांगते. स्वरा मल्हारला म्हणते की, 'तुम्हीच माझे बाबा आहात.' हे ऐकून मोनिका आणि मल्हार आश्चर्यचकित होतात.
स्वरा पुढे म्हणते, 'जसे तुम्ही पिहूचे बाबा आहात ना, तसेच तुम्ही माझे बाबा देखील आहात' मोनिका म्हणते, 'बास झाली तुझी नाटकं, तू काय बोलतंय हे तुला कळंतय का?' त्यानंतर स्वरा ही एक गाठोडं मल्हारला देते आणि म्हणते,'हे गाठोडं पाहा, तुम्हाला तुमची वैदेही आठवेल. वैदेही माझी आई आहे.' स्वराचं हे बोलणं ऐकून मोनिकाला आश्चर्यचकित होते.
पाहा प्रोमो
'तुझेच मी गीत गात आहे’ (Tuzech Mi Geet Gaat Aahe) या मालिकेत मल्हार कामत ही भूमिका अभिनेता अभिजीत खांडकेकर (Abhijeet Khandkekar) हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे (Priya Marathe) ही साकारते. या मालिकेतील मंजुळा ही भूमिका देखील ऊर्मिला कानेटकर साकारते. 'तुझेच मी गीत गात आहे’ (Tuzech Mi Geet Gaat Aahe) या मालिकेच्या आगामी एपिसोडची प्रेक्षक उत्सुकतेने वाट बघत आहेत. या मालिकेमधील कलाकारांच्या अभिनयाला प्रेक्षकांची पसंती मिळाली आहे.
इतर महत्वाच्या बातम्या: