Tharla Tar Mag : ठरलं तर मग (Tharla Tar Mag) मालिकेत अर्जुन सायलीसाठी दिवाळीची खास भेट म्हणून मधूभाऊंना जामीनावर सोडवून आणतो. पण घरी येऊन अर्जुन सायलीला यासंदर्भात कोणतीही कल्पना देत नाही. मधूभाऊंसाठी कोर्टात युक्तिवाद करत असतानााचा सायली देवीला कौल लावते. त्याचवेळी देवीही सायलीला उजवा कौल देते.
सायली कल्पनाला सांगते की, तुम्ही म्हणालात तसं मी देवीआई जवळ जाऊन उभी राहिले आणि मला खरंच शांत वाटलं. त्यातच देवीआईने मला मागच्या वेळेसारखा कौलही दिला आहे. मागच्या वेळीही मी मंदिरात असाच एक कौल लावला होता आणि देवी आईने असाच कौल दिला होता. याचा अर्थ कशी ते माहित नाही, पण मधूभाऊंची लवकरच सुटका होणार. त्यावर कल्पना सायलीला म्हणते की, कसं ते माहित नाही म्हणजे, अर्जुन तर प्रयत्न करतोच आहे.
अर्जुन सायलीला देणार सरप्राईज
अर्जुन मधूभाऊंचा जामीन केल्यानंतर घरी पेढे घेऊन येतो. त्यावेळी कल्पना त्याला तुझ्या महत्त्वाच्या केसचा निकाल तुझ्या बाजूने लागला ना असं विचारते.. त्यावर अर्जुन हो म्हणतो. तेव्ह चैतन्य म्हणतो की, अर्जुनने एखादी गोष्ट मनावर घेतली आणि ती केली नाही असं झालंय का कधी? तेव्हा अर्जुनही म्हणतो की, मम्मा तोंड गोड करत निकाल आपल्या बाजूने लागला आहे. त्यामुळे अर्जुन आता मधूभाऊंच्या जामीनाचं मोठं सरप्राईज सायलीला देणार असल्याचं पाहायला मिळणार आहे.
अर्जुन मिळवून देणार मधूभाऊंना जामीन
मधूभाऊंना जामीन मिळवून देण्यासाठी कोर्टात युक्तिवाद करताना अर्जुनच्या डोळ्यातही पाणी येतं. तो कोर्टाला सांगतो की,मधूभाऊ रोज पोलिसांच्या संपर्कात राहतील, हवं तर रोज पोलीस स्थानकात हजेरी देखील देतील, या गोष्टीची खात्री त्यांचा वकील म्हणून मी कोर्टाला देतो.पण आता मी सादर केलेल्या कारणांमुळे मधूभाऊंना जामीन मिळायलाच हवा. त्यानंतर कोर्टानेही सादर झालेल्या पुराव्यांच्या आधारे मधूभाऊंना जामीन मंजूर केला.
ही बातमी वाचा :
Tharla Tar Mag : अर्जुनचे प्रयत्न सार्थकी, मधूभाऊंना मिळाला जामीन; सायलीसाठी दिवाळी ठरणार खास