Bigg Boss Marathi Suraj Chavan : बिग बॉस मराठीच्या घरात अरबाज पटेल नवीन कॅप्टन झाला आहे. टास्क जिंकून अरबाज घरचा कॅप्टन बनला असला, तरी खरी चर्चा सूरज चव्हाणची आहे. सूरज चव्हाणने कॅप्टन्सी टास्कमध्ये जान्हवी, निक्की, धनश्या:मसोबत अरबाजला चांगलंच शिंगावर घेतलं. सूरज चव्हाण कॅप्टन्सी टास्कमध्ये या चौघांना एकटा भिडला. सूरजचा हा अंदाज प्रेक्षकांच्या फारच पसंतीस उतरला आहे. सूरज चव्हाणचं सेलिब्रिटींनीही तोंड भरुन कौतुक केलं आहे.
गुलिगत किंगला सेलिब्रिटींचा फुल्ल सपोर्ट
बिग बॉस मराठी (Bigg Boss Marathi 5) कॅप्टन्सी टास्कमध्ये सूरज चव्हाण (Suraj Chavan) विरुद्ध अरबाज, जान्हवी, निक्की, धनश्या:म असं चित्र पाहायला मिळालं. या टास्कमध्ये सूरजने चांगलाच कल्ला केल्याचं दिसून आलं. एवढंच काय तर सूरजवर दादागिरी करणाऱ्या वैभवलाही सूरजने "मी माझं बघेन", असं सांगत गप्प केलं. कॅप्टन्सी टास्कमधील सूरज सर्वांना एकटा भिडला. सूरज टास्क जिंकला नसला, तरी सूरज वन मॅन आर्मी असल्याचं म्हणत नेटकऱ्यांनी त्याचं कौतुक केलं आहे.
'सूरज चव्हाण बेस्ट आहे, तू भीड मित्रा, लढ भावा...'
सेलिब्रिटींनीही सूरज चव्हाणचं कौतुक केलं आहे. निर्माते संदीप सिकंद (Sandiip Sikcand), अभिनेते पुष्कर जोग (Pushkar Jog), उत्कर्ष शिंदे (Utkarsh Shinde), जय दुधाणे (Jay Dudhane) यांनी सूरज चव्हाणच्या पाठीवर कौतुकाची थाप दिली आहे.
अभिनेता आणि बिग बॉस मराठीचा माजी स्पर्धक जय दुधाणे याने सोशल मीडियावर सूरजसाठी इंस्टाग्रामवर स्टोरी शेअर करत म्हटलंय, "लव्ह यू सूरज भावा... असंच खेळत राहा... लढ भावा".
अभिनेता पुष्कर जोगने सूरज आणि योगिता चव्हाण यांचं कौतुक करत लिहिलंय की, "चल सूरज... तू भीड मित्रा... योगिता चव्हाण तग धरुन राहा.. आम्ही तुझ्या पाठीशी आहोत".
बिग बॉस मराठीचा माजी स्पर्धक आणि गायक उत्कर्ष शिंदे याने म्हटलंय, "निक्की, जान्हवी, अरबाज 1, अरबाज 2 काय घाबरले राव. सूरज आज तुझ्या हिंमतीच्या समोर बाकी सर्व पानीकम चाय वाटले. #शिंदेशाहीसलाम."
महत्त्वाच्या इतर बातम्या :