Bigg Boss Marathi Season 5 Suraj Chavan : अरबाजला भिडला, गुलिगत सूरजच्या अँग्री मॅन अवताराला जान्हवी-निक्की घाबरल्या! पाहा व्हिडीओ

Bigg Boss Marathi Season 5 Suraj Chavan : घराचा कॅप्टन होण्याच्या टास्कमध्ये सूरजचे अँग्री मॅन रुप दिसणार आहे.

Bigg Boss Marathi Season 5 Suraj Chavan

Source : Colors Marathi

Bigg Boss Marathi Season 5 Suraj Chavan : 'बिग बॉस मराठी'चा नवा सीझन (Bigg Boss Marathi Season 5) सध्या चांगलाच गाजतोय. यंदाच्या सीझनमध्ये काही वेगळे चेहरे पाहायला मिळत आहेत. सेलिब्रिटी, मॉडेलसोबत बिग बॉसच्य घरात रील स्टारही आले आहेत. गुलिगत धोका म्हणणाऱ्या सूरज चव्हाणच्या (Suraj Chavan) एन्ट्रीने अनेकांनी त्याची टिंगलटवाळी केली होती. आता मात्र, सूरजने सगळ्यांची मने जिंकली आहे. घराचा कॅप्टन होण्याच्या टास्कमध्ये सूरजचे अँग्री मॅन रुप दिसणार आहे. घराचा कॅप्टन होण्यासाठी दिलेल्या टास्कमध्ये सूरज चव्हाण हा थेट अरबाजला नडला. सूरजचं हे अँग्री रूप पाहून जान्हवी-निक्कीही घाबरल्याचे व्हिडीओत दिसून आले.

'बिग बॉस मराठी'चा आजच्या एपिसोडचा पहिला प्रोमो समोर आला आहे. या प्रोमोने सर्वांनाच थक्क केलं आहे. सूरज चव्हाणचा गुलिगत पॅटर्न या प्रोमोमध्ये दिसून आला आहे.  प्रोमोमध्ये "माझं मी बघेन", म्हणत निक्की, अरबाज आणि जान्हवी या तगड्या सदस्यांसोबत सूरज चांगलाच भिडताना दिसत आहे.

गुरुवारी झालेल्या एपिसोडमध्ये कॅप्टन्सीच्या टास्कमध्ये अरबाज, निक्की, जान्हवी, योगिता, निखिल, घन:श्याम आणि सूरज यांचा ग्रुप विजयी झाला. त्यामुळे या गटातील सात जण हे कॅप्टन पदाचे उमेदवार झाले. कॅप्टन ठरवण्यासाठी बिग बॉसने एक टास्क दिला आहे. आता हा टास्क पूर्ण करताना युक्ती आणि शक्तीचा वापर होणार आहे. कॅप्टन्सीचा हा टास्क पूर्ण होत असताना दुसरीकडे पराभूत झालेला ग्रुप आता गॅलरीत बसणार आहे.

कॅप्टन्सीच्या या टास्कचा प्रोमो व्हिडीओ समोर आला आहे. या प्रोमो व्हिडीओत गॅलरीत असलेला सूरज हा मी त्याला मारलं नसल्याचे सांगतो. त्यावर वैभव चव्हाण हा सूरजला तू असे हातपाय करू नकोस असे म्हणतो. वैभवच्या बोलण्यावर चिडलेला सूरज माझं मी बघेन असे सांगतो. तर, पुढे सूरज आणि अरबाजचा वाद होतो. त्यावेळी सूरज हा थेट अरबाजला भिडताना दिसत आहे. कॅप्टन्सीच्या टास्कमध्ये सुस्साट सुटलेला सूरज कोणालाही आवरला नसल्याचे दिसून आले. सूरजच्या या अँग्री अवताराने जान्हवी आणि निक्कीदेखील घाबरल्याचे प्रोमोत दिसून आले. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

सूरज चव्हाण आता आपल्या रंगात आला असल्याचे दिसून आले आहे. सुरुवातीपासूनच त्याला चाहत्यांचा प्रचंड पाठिंबा आहे. चेहऱ्यावर हसू ठेवणाऱ्या सूरजच्या वैयक्तिक आयुष्यात बरंच काही घडून गेलंय. बिग बॉस मराठीच्या घरात अनेकदा तो याबद्दल भाष्य करताना दिसत आहे.