Sundara Manamadhe Bharli : "माझ्या लेकीसाठी बाप, माझी सुख:दु:ख शेअर करण्यासाठी सखा अन् आयुष्यभर झाडे लावण्यासाठी एक जोडीदार..."; लती अखेर तिचं प्रेम व्यक्त करणार

Sundara Manamadhe Bharli : 'सुंदरा मनामध्ये भरली' या मालिकेच्या आजच्या भागात देवा अखेर लतिकाला प्रपोज करणार आहे.

colours marathi

Sundara Manamadhe Bharli Marathi Serial Latest Update : 'सुंदरा मनामध्ये भरली' (Sundara Manamadhe Bharli) ही छोट्या पडद्यावरील लोकप्रिय मालिका आहे. दिवसेंदिवस या मालिकेची क्रेझ वाढत चालली असून या मालिकेत आता मोठा ट्वीस्ट पाहायला मिळणार आहे. या मालिकेच्या आजच्या भागात देवा लतिकाला प्रपोज करताना दिसणार आहे. 

'सुंदरा मनामध्ये भरली' या मालिकेतील अभ्या आणि लतिकाची जोडी प्रेक्षकांच्या पसंतीस उतरली. पण गेल्या काही दिवसांपूर्वी मालिकेत अभ्याचा मृत्यू झाल्याचं दाखवण्यात आलं. त्यानंतर मालिकेत 10 वर्षांचा लीप दाखवण्यात आला. दरम्यान मालिकेत अभ्या आणि लतिकाची मुलगी अदिराची एन्ट्री झाली. आता या मालिकेत देवाची एन्ट्री झाली असून त्याची भूमिकाही चाहत्यांच्या पसंतीस उतरली आहे. लतिका आण देवाची चांगली मैत्री असून त्यांचं नातं पुढे कधी सरकणार याची चाहत्यांना उत्सुकता होती. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

अभ्याच्या निधनानंतर लतिकानेच अदिराचा सांभाळ केला आहे. दरम्यान देवा आणि लतिकाची मैत्री मालिकेत खूपच चांगल्या पद्धतीने दाखवण्यात आली. देवा आणि अदिराचीदेखील चांगली मैत्री झालेली प्रेक्षकांना पाहायला मिळालं. अदिरा देवाला तिचा बेस्ट फ्रेंड मानते.

'सुंदरा मनामध्ये भरली'चा रंगणार विशेष भाग!

'सुंदरा मनामध्ये भरली' या मालिकेच्या आजच्या विशेष भागात देवा लतिकाला प्रपोज करताना दिसणार आहे. आज 12 वाजता प्रेक्षकांना हा विशेष भाग पाहायला मिळेल. या विशेष भागाचा प्रोमो सोशल मीडियावर व्हायरल होत आहे. या प्रोमोमध्ये लतिका देवाला म्हणत आहे की,"कारखानीस मला माझ्या लेकीसाठी बाप पाहिजे. माझी सुख:दु:ख शेअर करण्यासाठी एक सखा आणि आयुष्यभर झाडे लावण्यासाठी एक जोडीदार पाहिजे". 

लतिका आणि देवाचा रोमॅंटिक अंदाज

'सुंदरा मनामध्ये भरली' या मालिकेच्या आजच्या भागात प्रेक्षकांना लतिका आणि देवाचा रोमॅंटिक अंदाज पाहायला मिळणार आहे. आजच्या भागात देवा लतिकाला अंगठी आणि गुलाबाचं फूल देऊन सर्वांसमोर प्रपोज करताना दिसणार आहे. त्यामुळे आता लवकरच मालिकेत लतिका आणि देवाचा लग्नसोहळादेखील पाहायला मिळणार आहे. 

सुंदरा मनामध्ये भरली विशेष भाग
किती वाजता? दु. 12:00 वा. आणि संध्या 7:00 वा.
कुठे पाहता येईल? कलर्स मराठी

संबंधित बातम्या