Stepney : 'पावनखिंड', 'झिम्मा', 'कारखानीसांची वारी' नंतर आता 'स्टेपनी' (Stepney) या सिनेमाचा वर्ल्ड टेलिव्हिजन प्रीमियर होणार आहे. रविवारी 10 जुलैला दुपारी एक वाजता हा सिनेमा प्रेक्षकांना प्रवाह पिक्चरवर पाहायला मिळणार आहे. या सिनेमात विनोदाचा बादशहा भरत जाधव (Bharat Jadhav) मुख्य भूमिकेत आहे.
भरत जाधवने अनेक मालिका, सिनेमे आणि नाटकांच्या माध्यमातून प्रेक्षकांना चांगलच हसवलं आहे. आता 'स्टेपनी' या सिनेमातदेखील भरत जाधव विनोदी भूमिका निभावताना दिसणार आहेत. या सिनेमात प्रेक्षकांना ते पोट धरून हसवणार आहेत. या सिनेमाने सिनेमागृहात चांगलाच धुमाकूळ घातला होता. आता या सिनेमाच्या वर्ल्ड टेलिव्हिजन प्रीमियरसाठी चाहते उत्सुक आहेत.
'स्टेपनी' या सिनेमाची निर्मिती श्री गणराया फिल्म्स आणि अनंत भुवड, नरेंद्र जयस्वाल, भटूलाल जयस्वाल यांनी केली आहे. तर या सिनेमाच्या दिग्दर्शनाची धुरा अजीज नासीर यांनी केलं आहे. तर मुरली कृष्णा यांनी छायांकन केलं आहे. रोहित नागभिडे यांनी या सिनेमाला संगीत दिले असून राजेश एस. एस. यांनी पार्श्वसंगीत दिले आहे. येत्या 10 जुलैला हा सिनेमा प्रेक्षकांना घरबसल्या पाहायला मिळणार आहे.
संबंधित बातम्या