Suraj Chavan Bigg Boss Marathi Season 5 Winner : कोणी म्हणतं सहानुभूतीमुळे जिंकला, कोणी म्हणतं सूरजच्या रूपाने महाराष्ट्र जिंकला, कोण कोण काय म्हणालं?
Suraj Chavan Bigg Boss Marathi Season 5 Winner : सूरज चव्हाण हा बिग बॉस मराठीच्या पाचव्या सीझनचा विजेता ठरला आहे. त्यानंतर सोशल मीडियावर त्याच्यासाठी कमेंट्सचा पाऊस पाडण्यात आलाय.
Suraj Chavan Bigg Boss Marathi Season 5 Winner : बारामतीच्या सूरज चव्हाण (Suraj Chavan) हा बिग बॉस मराठीच्या (Bigg Boss Marathi Season 5) पाचव्या सीझनचा विजेता ठरला आहे. सुरुवातीपासूनच सूरज विजेता व्हावा ही अनेकांची इच्छा होती. त्यानंतर आता सूरज विजेता झाल्यानंतर अनेकांनी त्याचं अभिनंदन करत कौतुकाचा वर्षाव केलाय. त्यामुळे सध्या सोशल मीडियावर सूरजचीच चर्चा सुरु आहे.
सूरजच्या विजयानंतर बारामतीच्या खासदार सुप्रिया सुळे यांनी देखील त्याचं अभिनंदन केलंय. अगदी छोट्या घरातून आलेल्या सूरजने 16 स्पर्धकांमधून बाजी मारत बिग बॉसच्या ट्रॉफीवर त्याचं नाव कोरलं आहे. म्हणूनच अनेकांना त्याचं फार कौतुक वाटतंय. पण असं असलं तरीही सूरज सहानुभूतीन जिंकला असल्याचं अनेकांचं म्हणणं आहे. त्यामुळे सोशल मीडियावरही सूरजच्या विजयावर संमिश्र प्रतिक्रिया येत असल्याचं चित्र सध्या आहे.
सूरजचं झापूक झुपूक अभिनंदन
सोशल मीडियावर एकाने कमेंट करत म्हटलं की, खूप खूप अभिनंदन सूरज, आज तूच नाही संपूर्ण महाराष्ट्र जिंकलाय... दुसऱ्याने कमेंट्स करत म्हटलं की, सूरज जिंकला महराष्ट्र जिंकला गोलिगत.. आणखी एकाने कमेंट करत म्हटलं की, गरीब विजेता झाला, चांगलं झालं..सूरज चव्हाण... एका युजरने कमेंट करत म्हटलं की, सूरज भावाच बिग बॉस जिंकल्याबद्दल झापुक झुपुक अभिनंदन.. आणखी एका युजरने कमेंट करत म्हटलं की, खरंच महाराष्ट्रानं घडवलं सूरज भावा तुला महाराष्ट्राची पब्लिक एका सच्चा आणि इमानदार माणसाला कधीच एकट पडू देत नाही...
सहानुभूतीमुळे सूरज जिंकला असल्याचं अनेकांचं म्हणणं
दरम्यान अनेकांनी सूरज सहानुभूतीमुळे जिंकला असल्याचं मत व्यक्त केलं आहे. एकाने कमेंट करत म्हटलं की, खेळाच्या विरुद्ध सिंपथी जिंकली आहे... दुसऱ्या एका युजरने कमेंट करत म्हटलं की, सहानुभूती, सहानुभूती.. सहानुभूतीने खेळ जिंकला आहे. आणखी एका युजरने कमेंट करत म्हटलं की, आता टिव्ही बंद केलाय.. त्यामुळे सूरज सहानुभूतीमुळे हा खेळ जिंकला असल्याचं काहींचं म्हणणं आहे, हे या कमेंट्सवरुन निदर्शनास येतंय.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
