Koffee With Karan 7, Samantha : करणच्या ‘कॉफी विथ करण’मध्ये झळकणार समंथा, उलगडणार आयुष्यातील अनेक रहस्य!

Koffee With Karan 7 : समंथा लवकरच करण जोहरच्या चॅट शोमध्ये हजेरी लावणार आहे. करणच्या या सुपरहिट चॅट शोची अनेक दिवसांपासून चाहते वाट पाहत आहेत.

Samantha Ruth Prabhu

Koffee With Karan 7 : करण जोहरच्या ‘कॉफी विथ करण’चा 7वा सीझन (Koffee With Karan 7) प्रेक्षकांच्या भेटीला येणार आहे. या शोमध्ये अनेकदा सेलिब्रिटींच्या त्यांच्या आयुष्यातील न उलगडलेल्या अनेक गोष्टींवर चर्चा करतात. या सीझनमध्ये करणच्या शोमध्ये बहुचर्चित अभिनेत्री समंथा रुथ प्रभू (Samantha Ruth Prabhu) हजेरी लावणार आहे. या दरम्यान अभिनेत्री तिच्या आयुष्यातील अनेक रहस्यांचा उलगडा करणार आहे. यावेळी ती आपल्या आणि नागा चैतन्यच्या घटस्फोटाविषयीही सांगणार आहे.

समंथा चित्रपटांच्या बळावर प्रेक्षकांच्या मनावर राज्य करत आहे. परंतु, तिचे आयुष्य अनेक विवादांनी वेढलेले आहे. सध्या अभिनेत्रीला तिच्या वैयक्तिक आयुष्यात अनेक चढउतारांना सामोरे जावे लागले आहे. आता समंथा लवकरच करण जोहरच्या चॅट शोमध्ये हजेरी लावणार आहे.

समंथासोबत दिसणार अक्षय कुमार!

करणच्या या सुपरहिट चॅट शोची अनेक दिवसांपासून चाहते वाट पाहत आहेत. 'कॉफी विथ करण 7' मध्ये कतरिना कैफ-विकी कौशल आणि आलिया भट्ट-रणबीर कपूर सारखे बॉलिवूड स्टार्स पाहुणे म्हणून दिसणार आहेत. यातीलच एका भागात समंथा रुथ प्रभू जाहेरी लावणार आहे. तिच्यासोबत अक्षय कुमार देखील उपस्थित राहणार आहे.

समंथा या शोमध्ये नागा चैतन्यसोबतच्या घटस्फोटाबद्दल उघडपणे बोलताना दिसणार आहे. करण जोहरच्या या शोमध्ये सेलेब्सना त्यांच्या वैयक्तिक आयुष्याबाबत अनेक प्रश्न विचारले जातात, ज्यांची त्यांना उत्तरे द्यावी लागतात. अशा परिस्थितीत आता समंथाला या शोमध्ये पाहण्यासाठी चाहते आतुर झाले आहेत.

‘हे’ सेलिब्रिटी होणार सहभागी

करण जोहरने अलीकडेच त्याच्या 'कॉफी विथ करण' या चॅट शोच्या नवीन सीझनची घोषणा केली. इंस्टाग्रामवर एक व्हिडीओ शेअर करत त्याने शोच्या नवीन सीझनची घोषणा केली, ज्यामध्ये अनेक स्टार्स दिसणार आहेत. करण जोहरच्या या घोषणेपासून प्रेक्षक या शोची आतुरतेने वाट पाहत आहेत आणि यावेळी कोणते सेलिब्रिटी या शोमध्ये दिसणार आहेत हे देखील सर्वांनाच जाणून घ्यायचे आहे. वमीडिया रिपोर्टनुसार रुण धवन, अनन्या पांडे, विजय देवरकोंडा, कियारा अडवाणी, अनिल कपूर, नीतू कपूर, सिद्धार्थ मल्होत्रा, रश्मिका मंदान्ना, कतरिना कैफ , सिद्धांत चतुर्वेदी, क्रिती सेनन, आलिया भट्ट आणि रणवीर सिंह ‘कॉफी विथ करण 7’मध्ये दिसू शकतात.

हेही वाचा :

हेही वाचा: