Rang Maza Vegla : 'रंग माझा वेगळा' मालिकेत नवा ट्वीस्ट; सौंदर्याला समजणार श्वेता-कार्तिकचा डाव?

Rang Maza Vegla : 'रंग माझा वेगळा' या मालिकेत श्वेता आणि कार्तिक दीपाला मुद्दाम त्रास देत असल्याचं सत्य सौंदर्यासमोर येणार आहे.

Rang Maza Vegla

Rang Maza Vegla Marathi Serial Latest Update : 'रंग माझा वेगळा' (Rang Maza Vegla) ही छोट्या पडद्यावरची लोकप्रिय मालिका आहे. गेल्या काही वर्षांपासून ही मालिका प्रेक्षकांचं मनोरंजन करत आहे. काही दिवसांपासून श्वेता आणि कार्तिक दीपाला मुद्दाम त्रास देत असल्याचं पाहायला मिळत आहेत. पण आता मालिकेच्या आगामी भागात प्रेक्षकांना एक ट्विस्ट पाहायला मिळणार आहे. श्वेता आणि कार्तिक दीपाला मुद्दाम त्रास देत असल्याचं सत्य सौंदर्यासमोर येणार आहे. 

'रंग माझा वेगळा' ही मालिका गेल्या काही वर्षांपासून प्रेक्षकांचं मनोरंजन करत असून आजही या मालिकेची क्रेझ कायम आहे. मालिकेच्या कथानकात आता गुंतागुंत पाहायला मिळत आहे. कार्तिक आणि श्वेताची चांगली गट्टी जमली असून ते आता दीपाला वेडं ठरवत आहे. दरम्यान मालिकेत आता आयेशाची एन्ट्री झाली आहे. आयेशालादेखील वेड लागलेलं पाहायला मिळत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by रंग माझा वेगळा (@rangmazaveglaofficial)

कार्तिक आणि श्वेता दीपाला वेडं ठरवण्यासाठी वेगवेगळे प्रयत्न करत आहेत. कार्तिक आणि दीपा स्वत:चं काही गोष्टी जाळून त्या दीपाने जाळल्या असल्याचं भासवत आहेत. तर कधी उलटी अक्षरे लिहित दीपाची दिशाभूल करण्याचा प्रयत्न करत आहेत. आता त्यांनी दीपाला किडनॅप करण्याचा प्लॅन रचला आहे. 

कार्तिक आणि श्वेताचा डाव सौंदर्याला कळणार

दीपासोबत काहीतरी चुकीचं होत असलेल्याचं सौदर्याच्या लक्षात येणार आहे. आता मालिकेच्या आगामी भागात ती या प्रकरणाची चौकशी करताना दिसेल. त्यामुळे कार्तिक आणि श्वेताचा बिंग फुटणार आहे. दीपाला मुद्दाम त्रास देण्यासाठी कार्तिकनेच डाव रचल्याचं सत्य समोर आल्यानंतर सौंदर्या काय प्रतिक्रिया देणार याकडे मालिकाप्रेमींचं लक्ष लागलं आहे. 

'रंग माझा वेगळा' टीआरपीच्या शर्यतीत पडली मागे (Rang Maza Vegla TRP Rating)

'रंग माझा वेगळा' ही मालिका प्रेक्षकांचं मनोरंजन करत असली तरी मालिकेतील रडगाण्याला प्रेक्षक मात्र कंटाळले आहेत. अल्पावधीतच लोकप्रियतेच्या शिखरावर पोहोचलेल्या या मालिकेचा टीआरपी आता घसरला आहे. मागच्या आठवड्यात या मालिकेला 5.5 रेटिंग मिळालं आहे. टीआरपीच्या शर्यतीत ही मालिका पाचव्या क्रमांकावर आहे. 

संबंधित बातम्या