Rang Majha Vegla : स्टार प्रवाहाच्या ‘रंग माझा वेगळा’ (Rang Majha Vegla) या मालिकेने सध्या मनोरंजक वळण घेतलं आहे. या मालिकेत सध्या बरेच ट्वीस्ट आणि टर्न पाहायला मिळत आहेत. चिमुकल्या दीपिका आणि कार्तिक सध्या त्यांच्या आई-वडीलांच्या शोधात आहेत. एकीकडे आई आहे, तर दुसरीकडे तिचे बाबा.. आता दोघींना मिळून आपलं चौकोनी कुटुंब पूर्ण करायचं आहे. यामुळेच त्या त्या दोघी आपल्या आई आणि वडीलांचं एकमेकांशी लग्न लावून देण्याचा प्रयत्न करत आहेत. मात्र, आता कार्तिकीला तिचे बाबा कोण हे सत्य कळणार आहे.
कार्तिक हाच कार्तिकीचा बाबा असल्याचं सत्य दीपाने बऱ्याच काळापासून लपवून ठेवलं आहे. मात्र, आता कार्तिकीला हे सत्य कळणार आहे. दीपा आणि सौंदर्याचं बोलणं दाराशी उभ्या असलेल्या कार्तिकीच्या कानावर पडणार आहे.
कार्तिकीला कळणार कार्तिक आपला बाबा असल्याचं सत्य!
सौंदर्या दीपाला पुन्हा घरी चल, अशी विनवणी करत असते. इतक्यात कार्तिकी शाळेतून परत घरी येते आणि आजीला घरात पाहून दाराशीच थांबते. यावेळी दीपा सौंदर्याला सांगते की, मी आणि कार्तिक आता पुन्हा कधीच एकत्र येऊ शकणार नाही. यावर सौंदर्या म्हणते, ‘तुम्ही एकत्र आलात अत्र, कार्तिकीला तिचा हक्काचा स्वतःचा बाबा मिळेल.’ यावर दीपा त्यांना विनवणी करते की, काहीही झालं तरी कार्तिक हाच कार्तिकीचा बाबा आहे, हे सत्य तिला कधीच सांगू नका. इतकी वर्ष कार्तिकी तिच्या बाबांबद्दल विचारतेय, तरीही मी या गोष्टी तिला सांगितलेल्या नाहीत.
आपली आई आणि आजी यांचं हे बोलणं ऐकून आता डॉक्टर फ्रेंड म्हणजेच कार्तिकच आपला बाबा असल्याची गोष्ट दीपिकाला कळली आहे. दोघींचं हे संभाषण ऐकून चिमुकल्या कार्तिकीला मात्र मोठा धक्का बसला आहे. डॉक्टर कार्तिकचं आपला बाबा आहे, आणि दीपिका आपली बहिण, हे कळल्यावर आता कार्तिकी पुढे काय करणार? ती दीपिकाला हे सत्य सांगणार का? याची उत्सुकता प्रेक्षकांना लागली आहे.
हेही वाचा :