Premachi Goshta : 'प्रेमाची गोष्ट' (Premachi Goshta) ही छोट्या पडद्यावरील लोकप्रिय मालिका आहे. गेल्या काही दिवसांपासून ही मालिका प्रेक्षकांचं चांगलच मनोरंजन करत आहे. आता मालिकेत मोठा ट्विस्ट आला आहे. प्रेक्षक ज्या दिवसाची आतुरतेने वाट पाहत आहेत तो दिवस आता जवळ आला आहे. मालिकेत लवकरच मुक्ता आणि सागर लग्नबंधनात अडकणार आहेत.
थाटात पार पडणार मुक्ता-सागरचा विवाहसोहळा
'प्रेमाची गोष्ट' या मालिकेत आजपासून मुक्ता आणि सागरचा लग्नसोहळा पार पडणार आहे. या लग्नसोहळ्याला 'ठरलं तर मग' या मालिकेतील अर्जुन-सायली यांनी हजेरी लावली होती. मुक्ता-सागरच्या लग्नसोहळ्याची प्रेक्षक आतुरतेने वाट पाहत आहेत.
मुक्ता आणि सागर लग्नाच्या बेडीत अडकणार आहेत. खरंतर दोघांचे स्वभाव भिन्न असले तरी या दोघांना जोडणारा एकमेव धागा म्हणजे सई. सईवरच्या प्रेमापोटी या दोघांनी लग्न करण्याचा निर्णय घेतला आणि लवकरच तो पूर्णत्वासही जाणार आहे. गोखले कुटुंबाच्या रितीरिवाजाप्रमाणे लग्न पार पडणार असणार असलं तरी या लग्नात कोळी ठसकाही असणार आहे. लग्न मंडपात वाजत-गाजत सागर आणि त्याच्या कुटुंबाचं आगमन होणार आहे. संपूर्ण कुटुंब कोळी पेहरावात दिसणार आहे. त्यामुळे लग्नात खऱ्या अर्थाने मुक्ता-सागर सोबतच दोन कुटुंबही नव्या नात्यात बांधली जाणार आहेत.
अर्जुन-सायलीची खास हजेरी!
मुक्ता-सागरच्या लग्नासाठी 'ठरलं तर मग' मालिकेतले अर्जुन-सायली लावली खास हजेरी लावणार आहेत. यासोबतच लग्नात सावनीची देखील एन्ट्री होणार आहे. सावनीच्या येण्याने बरंच नाट्यही रंगणार आहे. त्यामुळे लग्न निर्विध्नपणे पार पडणार का? याची मालिकाप्रेमींना आता उत्सुकता आहे.
'प्रेमाची गोष्ट' मालिकेबद्दल जाणून घ्या...
'प्रेमाची गोष्ट' ही मालिका नात्यांची गुंफण आहे. चिमुकल्या सईवरच्या प्रेमापोटी दोन विभिन्न स्वभावाचे मुक्ता आणि सागर कसे एकत्र येतात आणि त्यांच्यातलं प्रेम कसं बहरत जातं हे सांगणारी सुंदर, तरल कथा म्हणजे 'प्रेमाची गोष्ट' ही मालिका होय. या मालिकेत तेजश्री प्रधान आणि राज हंचनाळे मुख्य भूमिकेत आहेत. दोन्ही भूमिका प्रेक्षकांच्या पसंतीस उतरल्या आहेत.
संबंधित बातम्या