Pankaj Tripathi : 'कालिन भैया' आता नव्या भूमिकेत; पंकज त्रिपाठीला राष्ट्रीय आयकॉन बनवण्याचा केंद्रीय निवडणूक आयोगाचा निर्णय

ECI National Icon: : पंकज त्रिपाठीला राष्ट्रीय आयकॉन बनवण्याचा निर्णय केंद्रीय निवडणूक आयोगाने घेतला आहे.

Pankaj Tripathi

Pankaj Tripathi : ओटीटी विश्वात आपल्या अभिनयाने वेगळी ओळख निर्माण करणारा अभिनेता पंकज त्रिपाठी (Pankaj Tripathi) आता निवडणूकीच्या रिंगणात आला आहे. पंकज त्रिपाठीला राष्ट्रीय आयकॉन (ECI National Icon) बनवण्याचा निर्णय केंद्रीय निवडणुक आयोगाने घेतला आहे. 

मतदानाची टक्केदारी वाढवण्यासाठी आणि मतदानाचा प्रचार करण्यासाठी निवडणूक आयोग लोकप्रिय व्यक्तींना राष्ट्रीय आयकॉन किंवा ब्रॅंड अँबेसिडर बनवत असते. यापूर्वी 2014 साली टीम इंडियाचा गोलंदाज चेतेश्वर पुजाराला गुजरातमध्ये होणाऱ्या विधानसभा निवडणुकीसाठी निवडणुक आयोगाने ब्रॅंड अँबेसिडर बनवण्यात आले होते. 

चेतेश्वर पुजारा क्रिकेटच्या मॅचमध्ये व्यस्त असल्याने त्याने आजवर एकदाही मतदानाचा अधिकार बजावलेला नाही. निवडणुक आयोगाने महेंद्र सिंह धोनीलादेखील ब्रॅंड अँबेसिडर बनवले होते. पण तोदेखील क्रिकेटमध्ये व्यस्त असल्याने लोकसभा निवडणुकीत मतदान करू शकला नव्हता. पंकज त्रिपाठी आता निवडणूकीच्या रिंगणात उमेदवार म्हणून नव्हे तर जनजागृतीसाठी उतरले आहेत. 

Bollywood Actor Pankaj Tripathi declared as the National Icon of the Election Commission of India. @TripathiiPankaj expressed gratitude towards the ECI for giving him this enormous responsibility.@ECISVEEP @PIB_India @MIB_India @SpokespersonECI

Report: Rahisuddin Rihan pic.twitter.com/lPBciE680M

— All India Radio News (@airnewsalerts) October 3, 2022

केंद्रिय निवडणुक आयोगाने सोमवारी सहा राज्यांतील विधानसभा पोट निवडणुकीच्या तारखा जाहीर केल्या आहेत. यासंदर्भात आयोगाने नोटिफिकेशनदेखील जाहीर केले आहेत. सहा राज्यातील सात विधानसभा जागांसाठी 3 नोव्हेंबरला मतदान आणि 6 नोव्हेंबरला मतमोजनी होणार आहे. यात उत्तरप्रदेश, बिहार, हरियाणा, महाराष्ट्र, तेलंगणा आणि ओडिसा या राज्यांचा समावेश आहे. 

पंकज त्रिपाठी कोण आहे?

वेबसीरिजमुळे लोकप्रिय झालेल्या सेलिब्रिटींच्या यादीत पंकज त्रिपाठीचे नाव अग्रस्थानी घेतले जाते. पंकज अनेक सिनेमांत झळकला असला तरी मिर्जापूरमधील कालीन भैया या पात्राने त्याला विशेष लोकप्रियता मिळाली. लवकरच या वेबसीरिजच्या तिसऱ्या भागाच्या शूटिंगला सुरुवात होणार आहे. पंकज त्रिपाठीच्या अनेक वेबसीरिज चाहत्यांच्या पसंतीस उतरल्या आहेत. 

संबंधित बातम्या