Mukta Barve: मुक्ता बर्वेचं छोट्या पडद्यावर दमदार कमबॅक, 'या' मालिकेतून येणार प्रेक्षकांच्या भेटीला!
मुक्तानं यापूर्वी अनेक मराठी मालिका, चित्रपट नाटकांमधून काम केलं आहे. एका लग्नाची दुसरी गोष्ट, अजूनही बरसात आहे या तिच्या मालिकांनंतर तिच्या एन्ट्रीनं प्रेक्षकांना सुखद धक्का बसलाय.
Mukta Barve: सध्या मराठी मालिकांमध्ये मनोरंजनसृष्टीतील अनेक दिग्गज झळकत असल्याचं चित्र असतानाच आपल्या जिवंत अभिनयानं प्रेक्षकांच्या मनाचा ठाव घेणारी अभिनेत्री मुक्ता बर्वेही एका मालिकेत दिसणार आहे. कलर्स मराठीवरच्या इंद्रायणी मालिकेत साडी, गॉगल घालत ठसक्यात झालेली एन्ट्री मुक्ताच्या चाहत्यांच्या पसंतीस पडल्याचं दिसतंय.
आनंदीबाईंच्या वर्चस्वाला आव्हान द्यायला विठुच्या वाडीत आली एक नवी पाहुणी! असं लिहित कलर्स टीव्हीनं या मालिकेचा प्रोमो प्रसिद्ध केलाय. या प्रोमोवर प्रेक्षकांचा उत्तम प्रतिसाद येत आहे.
इंद्रायणी मालिकेचा नवा प्रोमा समोर
कलर्स मराठीवर सुरु असलेल्या इंद्रायणी मालिकेत इंदूचा संघर्षमय प्रवास आणि आनंदीबाईंनी तिच्याविरुद्ध रचलेलं कारस्थानाची प्रेक्षकांमध्ये चर्चा होती. आता विठूच्या वाडीत परीक्षा आणि इलेक्शन अशी चर्चा सुरु झाली आहे. दरम्यान, मालिकेत मुक्ताच्या एन्ट्रीने कोणता मोठा ट्विस्ट पहायला मिळणार याकडे चाहत्यांचं लक्ष आहे.
View this post on Instagram
मुक्ताच्या मालिकेतल्या पात्राचं नाव...
कलर्स मराठीवरच्या इंद्रायणी मालिकेत मुक्ता बर्वेच्या एन्ट्रीची एकच चर्चा आहे. विठूच्या वाडीत कारमधून उतरत साडी, गॉगल आणि किलर ॲटिट्यूड घेऊन उतरलेल्या मुक्ताच्या मालिकेतल्या पात्राचं नाव मुक्ता इनामदार असं आहे. आनंदीबाईच्या वर्चस्वाला आता मुक्ता कसं आव्हान देते हे पहाण्यासाठी प्रेक्षक उत्सुक झाले आहेत.
कुठे पहाल मालिका?
विनोद लव्हेकर यांचं दिग्दर्शन असलेली ही मालिका प्रेक्षकांच्या पसंतीस पडत आहे. इंद्रायणी मालिकेतील मुक्ताची एन्ट्री धमाल असल्याचं ती सांगते. मुक्त इनामदारच्या एन्ट्रीने ‘इंद्रायणी’ मालिकेत कुठले नवे ट्विस्ट येण्यार ? हे पाहावं लागेल. प्रेक्षक ‘इंद्रायणी’ ही मालिका दररोज संध्याकाळी ७ वा. कलर्स मराठीवर पाहू शकतात. तसेच jiocinema वरही या मालिकेचे भाग पाहता येतील.
प्रेक्षकांना सुखद धक्का
मुक्तानं यापूर्वी अनेक मराठी मालिका, चित्रपट नाटकांमधून काम केलं आहे. आता इंद्रायणी मालिकेतून कणखर आणि खमक्या मुक्ता इनामदारची भूमिका साकारत ती प्रेक्षकांच्या भेटीला येणार आहे. एका लग्नाची दुसरी गोष्ट, अजूनही बरसात आहे या तिच्या मालिकांनंतर इंद्रायणी मालिकेतून पुन्हा दमदार एन्ट्री घेत तिनं चाहत्यांना सुखद धक्का दिलाय.
महत्त्वाच्या बातम्या
