Me Honar Superst Awaj Kunacha Maharashtracha : गायनाचं स्वप्न उराशी बाळगणाऱ्या महाराष्ट्रातील स्पर्धकांना त्यांचं टॅलेंट सिद्ध करता यावं यासाठी स्टार प्रवाह (Star Pravah) वाहिनीने हक्काचा मंच उभारला आहे. स्पर्धकांच्या स्वप्नाला आकार देण्यासाठी सुरू झाला एक प्रवास तो म्हणजे मी होणार सुपरस्टार, आवाज कुणाचा महाराष्ट्राचा (me honar superst awaj kunacha maharashtracha). वयाचं बंधन नसल्यामुळे अगदी ४ वर्षाच्या चिमुरड्यापासून 70 वर्षांच्या आजोबांपर्यंत प्रत्येकानेच या मंचावर आपली कला सादर केली. महाराष्ट्राच्या कानाकोपऱ्यातून आलेल्या या गायकांनी स्वतःला सिद्ध केलं आणि त्यातील 2 सर्वोत्तम गायक आणि 2 ग्रुप्सनी आता महाअंतिम फेरी गाठली आहे.
अप्रतिम गाणी सादर करुन प्रेक्षकांची मन जिंकलेल्या मी होणार सुपरस्टार आवाज कुणाचा महाराष्ट्राचा या कार्यक्रमाचा महाअंतिम सोहळा येत्या २१ ऑगस्टला पाहायला मिळणार आहे.मुंबईचा राम पंडीत, संगमनेरची वर्षा एखंडे, सांगलीचा लोककलेचे शिलेदार ग्रुप आणि गोव्याच्या जिग्यासा ग्रुपमध्ये महाअंतिम लढत रंगणार आहे. त्यामुळे महाराष्ट्राचा आवाज ण ठरणार याची उत्सुकता वाढली आहे.
महाअंतिम सोहळ्यात स्पर्धकांमधली महाजुगलबंदी पाहायला मिळणारच आहे आणि सोबतीला दगडी चाळ 2 च्या टीमने खास हजेरी लावत या सोहळ्याची शान वाढवली आहे. तेव्हा पाहायला विसरु नका मी होणार सुपरस्टार आवाज कुणाचा महाराष्ट्राचा कार्यक्रमाचा महाअंतिम सोहळा येत्या रविवारी म्हणजेच 21 ऑगस्टला रात्री 8 वाजता फक्त स्टार प्रवाहवर.