Maharashtracha Favourite Kon : मनोरंजन विश्वात वेगवेगळे पुरस्कार सोहळे होतात, पण सातत्य राखणाऱ्या काही सोहळ्यांचं आकर्षण आणि उत्सुकता कायम सिनेसृष्टीसोबतच रसिकांनाही असते. झी टॅाकीजचा 'महाराष्ट्राचा फेवरेट कोण?' हा मराठमोळा पुरस्कार सोहळा सर्वार्थानं सर्वांच्याच आकर्षणाचं केंद्र बनला आहे.
'महाराष्ट्राचा फेवरेट कोण?' सुवर्णदशक सोहळा नुकताच मराठी-हिंदी सिनेसृष्टीतील मान्यवरांच्या साक्षीने दिमाखात संपन्न झाला. सुवर्णदशक सोहळ्याची सुवर्णझळाळी आणि मराठमोळ्या ग्लॅमरचा जबरदस्त जलवा रसिकांना या सोहळ्यात अनुभवायला मिळणार आहे.
'महाराष्ट्राचा फेवरेट कोण?'ची ट्रॅाफी अभिमानानं मिरवत विजेत्यांनी आपलं मनोगत व्यक्त केलं. यावेळी काहींचा आनंद गगनात मावेनासा झाला, तर काहीजण भावूक झाले. खुमासदार सूत्रसंचालन, खोचक बुलेटीन, धडाकेबाज परफॅार्मंसेस, निरनिराळे स्कीट्स, आगामी चित्रपटांचं प्रमोशन आणि आशीर्वादरूपी दिग्ग्जांचा करण्यात आलेला सन्मान याने 'महाराष्ट्राचा फेवरेट कोण?'ची रंगत उत्तरोत्तर वाढतच गेली. मराठी सिनेसृष्टीतील तारे-तारका आणि तंत्रज्ञांसोबत बॅालिवूडमध्ये 'शो मॅन' म्हणून ओळखले जाणारे सुभाष घई, तसंच हिंदी सिनेसृष्टीत यशस्वी असलेला मराठमोळा अभिनेता रितेश देशमुखही या सोहळ्याला आवर्जून उपस्थित होता.
सुवर्णदशक सोहळ्याचं खास आकर्षण म्हणजे यात मराठी सिनेउद्योगासाठी उल्लेखनीय ठरलेल्या मागील दहा वर्षांमधील आठवणींना उजाळा देण्यात आला. या निमित्तानं बरेच जण दहा वर्षांमध्ये आपण केलेल्या वाटचालीच्या आठवणीत रमले. अनोखं सूत्रसंचालन हे 'महाराष्ट्राचा फेवरेट कोण?'चं खास आकर्षण असल्यानं त्याकडं सर्वांचंच लक्ष लागलं होतं. महेश मांजरेकर यांनी सुरू केलेल्या अनोख्या व खुमासदार शैलीतील सूत्रसंचालनाची परंपरा अनेक वर्षांनंतर आजही सुरू आहे.
संबंधित बातम्या
Katrina-Vicky Wedding Pics : कतरिना कैफ-विकी कौशलचा असाही विक्रम; लग्नाच्या फोटोंना केवळ 20 मिनीटात 10 लाख लाईक्स
Pune Drama : पुण्यातील 'आपकी अमरी' या नाटकाची 'भारंगम' मध्ये निवड... नाट्यरसिकांत उत्साह
katrina Vicky Wedding : कतरिना-विकीचा लग्नानंतरचा पहिला फोटो आला समोर
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha