Maharashtra Television News : 'तुझेच मी गीत गात आहे’ ते 'आई कुठे काय करते!' ; तुमच्या आवडत्या मालिकेत सध्या काय घडतंय? जाणून घ्या एका क्लिकवर!

Maharashtra Television News : तुमच्या आवडत्या मालिकेच्या कथानकामध्ये सध्या काय घडतंय? या मालिकांमध्ये कोणते ट्वीस्ट येणार आहेत? याबाबत जाणून घेऊयात...

Maharashtra Television News :  विविध विषयांवर आधारित असणाऱ्या मालिका प्रेक्षकांची मनं जिंकत असतात. या मालिका अनेक लोक रोज न चुकता बघतात. तुमच्या आवडत्या मालिकेच्या कथानकामध्ये सध्या काय घडतंय? या मालिकांमध्ये कोणते ट्वीस्ट येणार आहेत? याबाबत जाणून घेऊयात...

Aai Kuthe Kay Karte: साखरपुडा साध्या पद्धतीने करायला ईशा तयार होणार? अरुंधतीनं केला समजावण्याचा प्रयत्न

Aai Kuthe Kay Karte:  छोट्या पडद्यावरील  आई कुठे काय करते (Aai Kuthe Kay Karte)  या मालिकेमध्ये सध्या ईशा आणि अनिश यांच्या साखरपुड्याची बोलणी सुरु आहे. ईशा आणि अनिश यांच्या साखपुड्याबाबत आणि लग्नाबाबत बोलणी करण्यासाठी अनिशचे कुटुंब देशमुखांच्या घरी आले होते. सुरुवातीला अनिरुद्ध हा ईशा आणि अनिश यांच्या लग्नाला विरोध करत होता. पण आता त्यानं देखील ईशाला परवानगी दिली आहे. पण सध्या ईशा आणि अरुंधती यांच्यामध्ये वाद सुरु आहेत. 

Tuzech Mi Geet Gaat Aahe: मोनिकाने काढून घेतला स्वराजचा माउथ ऑर्गन; 'तुझेच मी गीत गात आहे’ मालिकेचा प्रोमो व्हायरल

Tuzech Mi Geet Gaat Aahe:  छोट्या पडद्यावरील तुझेच मी गीत गात आहे (Tuzech Mi Geet Gaat Aahe)  या मालिकेचा एक प्रोमो सोशल मीडियावर व्हायरल झाल आहे. या प्रोमोमध्ये दिसत आहे की स्वराज हा मल्हारनं त्याला दिलेला माउथ ऑर्गन वाजवत आहे. त्यानंतर मोनिका तिथे येते आणि स्वराजकडून त्याचा माउथ ऑर्गन काढून घेते. 

Chala Hawa Yeu Dya : व्यसन सोडायचं कसं? गौर गोपाल दास यांचा भाऊ कदमला कानमंत्र

Gaur Gopal Das In Chala Hawa Yeu Dya : 'चला हवा येऊ द्या' (Chala Hawa Yeu Dya) या छोट्या पडद्यावरील लोकप्रिय कार्यक्रमात अनेक दिग्गज मंडळी सहभागी होत असतात. या कार्यक्रमाच्या आजच्या भागात मोटिव्हेशनल गुरु गौर गोपाल दास (Gaur Gopal Das) हजेरी लावणार आहेत. एखादी वाईट सवय कशी सोडायची हे गौर गोपाल दास त्यांच्या शैलीत सांगणार आहेत. 

Karan Gunhyala Mafi Nahi : 'स्पेशल ऑपरेशन स्क्वॉड' गुन्हेगारांना शोधून काढणार! आजपासून प्रेक्षकांच्या भेटीला येणार नवी मालिका 'कारण गुन्ह्याला माफी नाही'

Karan Gunhyala Mafi Nahi Marathi Serial Latest Update : 'कारण गुन्ह्याला माफी नाही' (Karan Gunhyala Mafi Nahi) ही थरारक मालिका आजपासून प्रेक्षकांच्या भेटीला येणार आहे. निरनिराळ्या व्यतिरेखांमधून प्रेक्षकांच्या मनात घर करणारी अभिनेत्री अश्विनी कासार ही या मालिकेतून पुनरागमन करताना दिसणार आहे. अभिनेत्री अश्विनी कासार पहिल्यांदा पोलीस अधिकाऱ्यांच्या भूमिकेत दिसणार आहे. ACP अनुजा हवालदार असे तिच्या व्यक्तिरेखेचं नाव आहे. सोबतच  रुपल नंद ही सुद्धा या मालिकेत पुनरागमन करताना दिसते आहे. मोहिनी दुभाषी असे तिच्या व्यक्तिरेखेचे नाव असणार आहे. 

Vishakha Subhedar: 'नव्या सिरीअलमधून लगेचच इतका मोठा ब्रेक घेणं...'; विशाखा सुभेदारच्या पोस्टनं वेधलं लक्ष

Vishakha Subhedar: अभिनेत्री  विशाखा सुभेदारला (Vishakha Subhedar) ही तिच्या विनोदी शैलीनं प्रेक्षकांची मनं जिंकते. महाराष्ट्राची हास्यजत्रा (Maharashtrachi Hasyajatra) या कार्यक्रमामुळे विशाखाला विशेष लोकप्रियता मिळाली. ‘शुभविवाह’ या मालिकेत विशाखानं रागिणी आत्या ही भूमिका साकारली. आता या मालिकेतून विशाखा ही ब्रेक घेणार आहे. सोशल मीडियावर पोस्ट शेअर करुन विशाखानं शुभविवाह या मालिकेमधून ती ब्रेक घेणार असल्याची माहिती चाहत्यांना दिली. ॉ