![ABP Premium](https://cdn.abplive.com/imagebank/Premium-ad-Icon.png)
Khupte Tithe Gupte : बाळासाहेब ठाकरे की आनंद दिघे? 'तो' स्पेशल कॉल एकनाथ शिंदे कोणाला करणार?
Eknath Shinde : 'खुप्ते तिथे गुप्ते' या कार्यक्रमाच्या आगामी भागात एकनाथ शिंदे हजेरी लावणार आहेत.
![Khupte Tithe Gupte : बाळासाहेब ठाकरे की आनंद दिघे? 'तो' स्पेशल कॉल एकनाथ शिंदे कोणाला करणार? Khupte Tithe Gupte host Avadhoot Gupte ask Maharashtra CM Eknath Shinde who would you call Balasaheb Thackeray or Anand Dighe Khupte Tithe Gupte : बाळासाहेब ठाकरे की आनंद दिघे? 'तो' स्पेशल कॉल एकनाथ शिंदे कोणाला करणार?](https://feeds.abplive.com/onecms/images/uploaded-images/2023/05/20/c0781080093b01d856a4dfd238f931fb1684555917837254_original.jpg?impolicy=abp_cdn&imwidth=1200&height=675)
Eknath Shinde In Khupte Tithe Gupte : लोकप्रिय गायक, संगीतकार अवधूत गुप्तेच्या (Avadhoot Gupte) 'खुप्ते तिथे गुप्ते' (Khupte Tithe Gupte) या कार्यक्रमाची सध्या सर्वत्र चर्चा आहे. 10 वर्षांनी सुरू होणाऱ्या या कार्यक्रमाचा पहिला भाग खूपच कमाल असणार आहे. पहिल्याच भागात मनसे अध्यक्ष राज ठाकरे (Raj Thackeray) आणि मुख्यमंत्री एकनाथ शिंदे (Eknath Shinde) हजेरी लावणार आहेत.
'खुप्ते तिथे गुप्ते' या कार्यक्रमाच्या आगामी भागाची चाहत्यांना उत्सुकता आहे. मुख्यमंत्री एकनाथ शिंदे यांचा 'खुप्ते तिथे गुप्ते' या कार्यक्रमातील एक प्रोमो व्हिडीओ सोशल मीडियावर व्हायरल होत आहे. या व्हिडीओमध्ये अवधूत त्यांना एक प्रश्न विचारताना दिसतोय. अवधूत विचारतोय,"स्पेशल कॉल करण्याची संधी दिली तर कोणाला कॉल कराल बाळा साहेबांना (Balasaheb Thackeray) की दिघे साहेबांना
(Anand Dighe)?"
स्पेशल कॉल एकनाथ शिंदे कोणाला करणार?
अवधूतच्या प्रश्नाचं उत्तर देत एकनाथ शिंदे म्हणाले,"अरे अवधूत कॉन्फरन्स कॉल केला तर चालेल का? मला दोघांसोबत बोलायचं आहे". त्यामुळे आता अवधूत गुप्ते कॉन्फरन्स कॉल करण्याची संधी देणार का? तसेच एकनाथ शिंदे स्पेशल कॉलवर बाळासाहेब आणि आनंद दिघे यांच्यासोबत काय बोलणार? याकडे सर्वांचं लक्ष लागलं आहे.
'खुप्ते तिथे गुप्ते' या कार्यक्रमाची चांगलीच क्रेझ आहे. गेल्या काही वर्षांपूर्वी सुरू झालेल्या या कार्यक्रमात विविध क्षेत्रातील दिग्गजांनी हजेरी लावली आहे. राजकीय क्षेत्रातील दिग्गचांच्या मुलाखती विशेष गाजल्या आहेत. आता या कार्यक्रमाच्या नव्या पर्वाची चाहत्यांना उत्सुकता आहे. नव्या पर्वाच्या पहिल्याच भागात महाराष्ट्रातील दोन दिग्गज नेते हजेरी लावणार आहेत.
'खुप्ते तिथे गुप्ते' 'या' दिवशी होणार सुरू
'खुप्ते तिथे गुप्ते'च्या पहिल्याच भागात प्रेक्षकांना मनोरंजनाची मेजवानी मिळणार आहे. सुरुवार दमदार होणार आहे. त्यामुळे आगामी भागांमध्ये कोण कोण हजेरी लावणार याची चाहत्यांना उत्सुकता लागली आहे. 'खुपते तिथे गुप्ते' या कार्यक्रमाचं नवं पर्व 4 जूनपासून सुरू होणार आहे. 4 जून 2023 रोजी रविवारी 9 वाजता पहिल्या भागाचं प्रसारण होणार आहे. 'खुपते तिथे गुप्ते' या कार्यक्रमाच्या माध्यमातून अवधूत गुप्ते खुपणारी गोष्ट बेमालूमपणे व खुबीने समोर आणणार आहे. 'खुपते तिथे गुप्ते'चं हे पर्व वेगळं असणार आहे. या पर्वाचं खास आकर्षण एक खास खुर्ची असणार आहे.
संबंधित बातम्या
Khupte Tithe Gupte : एकनाथ शिंदे की राज ठाकरे? 'खुपते तिथे गुप्ते'च्या पहिल्या भागात कोण हजेरी लावणार?
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)