Kaun Banega Crorepati 13: राजकुमार रावच्या आईसाठी अमिताभ यांनी पाठवला होता व्हिडीओ; पण...

कौन बनेगा करोडपती या शोमध्ये नुकतीच बॉलिवूडमधील प्रसिद्ध अभिनेता राजकुमार राव (Rajkummar Rao) आणि अभिनेत्री कृती सेनन (Kriti Sanon) यांनी हजेरी लावली होती.

Kaun Banega Crorepati 13: प्रसिद्ध शो कौन बनेगा करोडपती  (Kaun Banega Crorepati) सिझन 13 सध्या चर्चेत आहे. या शोमध्ये बॉलिवूडचे महानायक अमिताभ बच्चन  (Amitabh Bachchan) त्यांच्या वैयक्तिक आयुष्याबद्दल अनेक किस्से आणि काही खास आठवणी सांगत असतात. कौन बनेगा करोडपती या शोमध्ये नुकतीच बॉलिवूडमधील प्रसिद्ध अभिनेता राजकुमार राव (Rajkummar Rao) आणि अभिनेत्री कृती सेनन (Kriti Sanon) यांनी हजेरी लावली होती. या भागाच्या प्रोमोचा व्हिडीओ सोशल मीडियावर व्हायरल झाला आहे. या प्रोमोमध्ये राजकुमार रावने त्याच्या आईची एक आठवण सांगितली.

  

राजकुमारने सांगितली आठवण
राजकुमार रावची आई कमलेश यादव यांचे 2016 मध्ये निधन झाले.  कौन बनेगा करोडपती या शोमध्ये राजकुमारने सांगितले, 'माझी आई अमिताभ बच्चन यांची खूप मोठी फॅन होती. तिने मला सांगितले होते की, लग्नानंतर जेव्हा ती गुडगाव येथे गेली होती, तेव्हा तिने अमिताभ यांचा फोटोसोबत आणला होता. त्या फोटोला तिने वडीलांच्या बेडरूमध्ये लावले होते. त्यामुळे माझ्या वडीलांना अमिताभ यांच्याबद्दल हेवा वाटत होता.'   

त्यानंतर राजकुमार म्हणाला, 'जेव्हा मी एका चित्रपटाची शूटिंग करत होतो, तेव्हा मला आईच्या निधनाबद्दल कळाले होते. ती कधीच मुंबईला येऊ शकली नव्हती. पण तिला अमिताभ बच्चन यांना भेटण्याची इच्छा होती. तिची ही इच्छा मी पूर्ण करू शकलो नाही. ज्या दिवशी मझ्या आईचे निधन झाले तेव्हा मी तुम्हाला (अमिताभव बच्चन यांना) कॉल केला होता. मी तुम्हाला आईसाठी एक व्हिडीओ पाठवण्यास सांगितला. तुम्ही तो व्हिडीओ पाठवला. त्यानंतर मी आईच्या फोटोसमोर तो व्हिडीओ प्ले केला. पण काही दिवसांनंतर तो व्हिडीओ पेन- ड्राइव्हमधून गायब झाला. मला असे वाटते की तो तिच्या पर्यंत पोहचला असेल.'

 

राज कुमाररावचा 'हम दो हमारे दो' हा चित्रपट लवकरच प्रेक्षकांच्या भेटीस येणार आहे. या चित्रपटामध्ये राजकुमारसोबतच क्रिती सेनन, परेश रावल आणि रत्ना पाठ हे कलाकार प्रमुख भूमिकेत दिसणार आहेत.  29 ऑक्टोबर रोजी 'हम दो हमारे दो' हा चित्रपट Disney+ Hotstar या ओटीटी प्लॅटफोर्मवर प्रदर्शित होणार आहे.