Karan Gunhyala Mafi Nahi : 'कारण गुन्ह्याला माफी नाही' मालिकेत आस्ताद काळेची एन्ट्री; आता दिसणार नेत्याच्या भूमिकेत

Karan Gunhyala Mafi Nahi : 'कारण गुन्ह्याला माफी नाही' या मालिकेत आस्ताद काळे नेत्याच्या भूमिकेत दिसणार आहे.

Astad Kale

Karan Gunhyala Mafi Nahi : 'कारण गुन्ह्याला माफी नाही' (Karan Gunhyala Mafi Nahi) ही नवी थरारक मालिका आता प्रेक्षकांच्या भेटीला आली आहे. त्याची झलक प्रेक्षकांना आवडली आहे. या मालिकेत प्रेक्षकांचे आवडते इन्स्पेक्टर भोसले आणि जमदाडे आपल्याला निराळ्या अंदाजात पाहता येणार आहेत. आता या मालिकेत आस्ताद काळेची (Astad Kale) एन्ट्री होणार आहे. 

आस्ताद काळे दिसणार नेत्याच्या भूमिकेत

आस्ताद काळे हा अभिनेता नेहमी निरनिराळ्या धाटणीच्या व्यक्तिरेखा साकारताना प्रेक्षकांना दिसतो. 'कारण गुन्ह्याला माफी नाही' या मालिकेत आस्ताद एका नेत्याच्या भूमिकेत पाहायला मिळणार आहे. सुहास साटम असे या नेत्याचे नाव असून आता मालिकेत त्याच्या येण्याने कथानक काय वेगळे वळण घेणार? भोसले आणि जमदाडे यांच्या कामात काय भर पडणार का ? हे पाहण्याजोगे असणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aastad Sunita Pramod Kale (@aastadkale)

निरनिराळ्या व्यतिरेखांमधून प्रेक्षकांच्या पसंतीस उतरलेली अभिनेत्री अश्विनी कासार ही या मालिकेतून पुनरागमन करताना दिसणार आहे. अभिनेत्री अश्विनी कासार पहिल्यांदाच पोलीस अधिकाऱ्याच्या भूमिकेत दिसणार आहे. एसीपी अनुजा हवालदार असे तिच्या व्यक्तिरेखेचे नाव आहे. सोबतच  रूपल नंद हीसुद्धा या मालिकेत पुनरागमन करताना दिसते आहे. मोहिनी दुभाषी असे तिच्या व्यक्तिरेखेचे नाव असणार आहे.

कलाकरांची चांगली फळी असलेली 'कारण गुन्ह्याला माफी नाही'

'कारण गुन्ह्याला माफी नाही' मालिकेत कलाकारांची चांगली फळी प्रेक्षकांना पाहायला मिळत आहे. त्यात आता आस्ताद काळेच्या येण्याने मालिकेत एक वेगळी रंगत पाहायला मिळेल. एका पेक्षा एक वरचढ कलाकार एकाच वेळेला जेव्हा एकाच मालिकेत दिसतील, तेव्हा 'कारण गुन्ह्याला माफी नाही' या थरारक मालिकेत जे वेगळेपण येईल ते पाहणे प्रेक्षकांसाठी नक्कीच मजेशीर असेल.

'कारण गुन्ह्याला माफी नाही' या मालिकेचं लेखन चिन्मय मांडलेकर करत आहेत. तर भीमराव मुडे या सिनेमाच्या दिग्दर्शनाची धुरा सांभाळत आहेत. तर मनवा नाईक या मालिकेची निर्माती आहे. 'कारण गुन्ह्याला माफी नाही' ही मालिका प्रेक्षक सोमवार ते शनिवार रात्री 10.30 वाजता सोन मराठीवर पाहू शकतात. 

संबंधित बातम्या