Chala Hawa Yeu Dya: ''चला हवा येऊ द्या' च्या मंचावर बच्चे कंपनीची धम्माल कॉमेडी; प्रोमो पाहून खळखळून हसाल
'चला हवा येऊ द्या' (Chala Hawa Yeu Dya) या कार्यक्रमाचा एक प्रोमो सोशल मीडियावर शेअर करण्यात आला आहे. या प्रोमोमध्ये दोन लहान मुली कॉमेडी स्किट सादर करताना दिसत आहेत.
Chala Hawa Yeu Dya: 'चला हवा येऊ द्या' (Chala Hawa Yeu Dya) या छोट्या पडद्यावरील कार्यक्रमाला प्रेक्षकांची पसंती मिळते. या कार्यक्रमामध्ये विविध कलाकार आपल्या विनोदी शैलीनं प्रेक्षकांची मनं जिंकतात. या कार्यक्रमात विविध सेलिब्रिटी देखील हजेरी लावतात. काही दिवसांपूर्वी या कार्यक्रमात बच्चे कंपनीची एन्ट्री झाली आहे. या बच्चे कंपनीच्या कॉमेडी अंदाज प्रेक्षकांना आवडत आहे. नुकताच 'चला हवा येऊ द्या' या कार्यक्रमाचा एक प्रोमो सोशल मीडियावर शेअर करण्यात आला आहे. या प्रोमोमध्ये दोन लहान मुली कॉमेडी स्किट सादर करताना दिसत आहेत.
'चला हवा येऊ द्या' या कार्यक्रमाच्या नुकत्याच शेअर करण्यात आलेल्या प्रोमोमध्ये दोन लहान मुली एक विनोदी स्किट सादर करताना दिसत आहेत. त्यामधील एक मुलगी म्हणाते, 'तुझा नवरा काय करतो?' तर दुसरी मुलगी म्हणते, आमच्या ह्यांचा दुबईमध्ये उंटांचा बिझनेस आहे.' अनेकांनी या प्रोमोला कमेंट करुन या दोन मुलींचे कौतुक केले आहे. प्रोमोमध्ये दिसत आहे की, या मुलींचे हे कॉमेडी स्किट निलेश साबळे आणि भारत गणेशपुरे हे बघत आहेत.
पाहा प्रोमो:
View this post on Instagram
'चला हवा येऊ द्या' या कार्यक्रमामध्ये माझी तुझी रेशीमगाठ फेम मायरा वैकुळची देखील एन्ट्री काही दिवसांपूर्वी झाली. या कार्यक्रमातील मायराच्या कॉमेडी अंदाजानं अनेकांचे लक्ष वेधले.
'चला हवा येऊ द्या'मधील कलाकार
'चला हवा येऊ द्या' (Chala Hawa Yeu Dya) या शोमधील कलाकार प्रेक्षकांना खळखळून हसवतात. भाऊ कदम (Bhalchandra Kadam ), निलेश साबळे ( Nilesh Sable), श्रेया बुगडे (Shreya Bugade), कुशल बद्रिके (Kushal Badrike) हे कलाकार 'चला हवा येऊ द्या' या कार्यक्रमामध्ये विविध स्किट सादर करत असतात. निलेश साबळे हा या कार्यक्रमाचं सूत्रसंचालन करतो. या कार्यक्रमामध्ये वेगवेगळ्या मालिकांची तसेच चित्रपटाची टीम प्रमोशनसाठी येत असते. आता 'चला हवा येऊ द्या' या शोमध्ये बच्चे कंपनीला पाहण्यासाठी प्रेक्षक उत्सुक आहेत. या कार्यक्रमाच्या आगामी एपिसोडची प्रेक्षक उत्सुकतेने वाट बघत असतात.
महत्त्वाच्या बातम्या
