Bigg Boss Marathi : बिग बॉस मराठीच्या पाचव्या सीझनता फिनाले अवघा काही दिवसांवर आला आहे. 6 ऑक्टोबरला बिग बॉस मराठीच्या पाचव्या पर्वाचा विजेता मिळणार आहे. बिग बॉस मराठीचा यंदाचा सीझन पहिल्या दिवसापासून गाजला, यातील सदस्यांचीही जोरदार चर्चा झाली. निक्कीने पहिल्या दिवसापासूनच बिग बॉसचा घर डोक्यावर घेतलं होतं, त्यामुळे ड्रामा क्वीन राखी सावंतला बिग बॉसच्या घरात एन्ट्री द्यावी, अशी मागणी प्रेक्षक करत होते. अखेर आज बिग बॉसच्या घरात राखी सावंतची एन्ट्री होणार आहे.
बिग बॉसच्या घरात राखी सावंतची एन्ट्री
बिग बॉस मराठीच्या (Bigg Boss Marathi Season 5) आजच्या एपिसोडचा प्रोमो शेअर केला आहे. ज्यामध्ये बिग बॉसच्या घरात राखी सावंत (Rakhi Sawant) येणार असल्याचं दिसत आहे. प्रोमोमध्ये घरात शिरताच राखी म्हणते, हॅलो बिग बॉस आय एम बॅक तुमची पहिली बायको. यानंतर निक्कीला धक्काच बसतो. हाय रब्ब असं म्हणत निक्कीची रिअॅक्शन होती. राखी निक्कीला म्हणते, सस्ती राखी सावंत. आता घरात चालणार आहे फक्त माझाच ठणाणणा... निक्की तांबोळी सोडून येणार तुला आंबोली
बिग बॉसच्या घरात शिरताच राखी सावंतचा धिंगाणा
राखी सावंतच्या एन्ट्रीवर नेटकऱ्यांचा प्रतिक्रिया
बिग बॉस मराठीच्या घरात राखी सावंतची एन्ट्री होणार असल्याने बिग बॉस प्रेमी खूप खूश आहेत. नेटकऱ्यांनी कमेंट करत आनंद व्यक्त केला आहे. एका नेटकऱ्याने लिहिलंय, "चला शेवट तरी गोड होतोय. शेवटी शेवटी राखीला आणल्यावर राख तरी होणार नाही टीआरपीची". दुसऱ्याने लिहिलंय, "राखी शिवाय बिग बॉस पूर्ण होऊच शकत नाही". तिसऱ्याने म्हटलंय, "राखीला थोडं आधी पाठवायला पाहिजे होत घरात. अजून मज्जा आली असती". आणखी एकाने म्हटलंय, "चला उशिरा का होईना निक्कीला टक्कर देण्यासाठी आली राखी".
महत्त्वाच्या इतर बातम्या :