Bigg Boss Marathi New Season Day 19 : बिग बॉस मराठीमध्ये नुकताच कॅप्टन्सी टास्क पाहायला मिळाला. या टास्कमध्ये कॅप्टन्सीसाठीचे उमेदवार मिळणार असून त्यावरुन बिग बॉस मराठीच्या घरातील नवा कॅप्टन ठरणार आहे. तर दुसरीकडे बिग बॉस मराठीच्या आजच्या भागात प्रेक्षकांना अरबाज आणि निक्कीमध्ये खटके उडताना दिसणार आहेत. कलर्स मराठीने आजच्या भागाचा नवा प्रोमो शेअर केला आहे.
निक्की आणि अरबाजमध्ये वादाची ठिणगी
बिग बॉस मराठीच्या घरात पहिल्या दिवसापासून निक्की आणि अरबाजची केमिस्ट्री चर्चेचा विषय ठरताना दिसत आहे. आता जान्हवीमुळे निक्की आणि अरबाजमध्ये बाचाबाची झाल्याचं पाहायला मिळणार आहे. घरातील हा दंगा पाहताना प्रेक्षकांना मात्र मजा येईल. निक्की तांबोळी आणि अरबाज पटेल पहिल्या दिवसापासून एकमेकांच्या मैत्रीबद्दल पॉझिटिव्ह असल्याचं पाहायला मिळालं. पण आता मात्र त्यांच्यात वादाची ठिणगी पडली आहे. तसेच, निक्की आणि जान्हवीमध्ये पुन्हा वाद होणार का, हे पाहण्यासाठी प्रेक्षक उत्सुक आहेत.
निक्की आणि अरबाज मध्ये कोणामुळे उडतायेत खटके?
प्रोमोमध्ये निक्की अरबाजला हात जोडून विनंती करत म्हणतेय,"अरबाज घराकडे जा...माझ्याकडे येऊ नको". पुढे अरबाज जान्हवीला म्हणतो की, "तुझ्यासोबत जसं मी वागतो तसंच आता मी त्याच्यासोबत वागणार". त्यानंतर निक्की घन:श्याम आणि वैभवला म्हणते, "अरबाज 'त्या' मुलीकडे कसा जाऊ शकतो? ज्या मुलीच्या विरोधात मी गेले होते. त्याला ट्रॉफी द्या नाहीतर वेड लागेल त्याला". हे म्हणताना निक्कीच्या अश्रूंचा बांध फुटतो.
जान्हवी ठरतेय वादाचं कारण?
'बिग बॉस मराठी'च्या घरात आता वादाचं प्रमाण वाढायला सुरुवात झाली आहे. पहिल्या आठवड्यात शांत असणारे सगळे सदस्य आता आपल्या मुद्द्यासाठी भांडत आहेत. सदस्यांचे खरे रंग आता प्रेक्षकांना दिसायला लागले आहेत.
महत्त्वाच्या इतर बातम्या :