Bigg Boss Marathi 5 Update : बिग बॉस मराठीचं नवीन सीझन सुरु झाल्यापासून चर्चेत आहेत. यंदाचा बिग बॉसचा सीझन सर्वाधिक टीआरपी असलेला सीझन असल्याचं सांगितलं जात आहे. सध्या बिग बॉस मराठीचा पाचवा सीझन सुरु असून सदस्यांची सर्वत्र चर्चा सुरु आहे. यातीलच एका सदस्याचं नाव महाराष्ट्रातील घराघरात पोहोचलं आहे, या सदस्याला महाराष्ट्राची जनता भरभरुन प्रेम देत असल्याचं चित्र पाहायला मिळत आहे. बिग बॉस मराठीच्या घरातील हा सदस्य म्हणजे 'गुलीगत धोका' फेम सूरज चव्हाण.
सूरज चव्हाणला जनतेचा फुल सपोर्ट
बिग बॉस मराठीच्या घरात यंदा कलाकार आणि सोशल मिडिया एन्फ्लुइंसर स्पर्धक म्हणून सहभागी झाले आहे. मराठमोळा रिल स्टार सूरज चव्हाणही या पर्वात सामील झाला आहे. सूरज चव्हाणच्या बिग बॉस मराठीतील एन्ट्रीवर सुरुवातीला नेटकऱ्यांनी अनेक प्रश्न उपस्थित केले होते, मात्र हेच नेटकरी आता सूरज चव्हाणला फुल सपोर्ट करताना दिसत आहे. सूरज चव्हाण याला महाराष्ट्रातील जनता सोशल मीडियावर भरघोस पाठिंबा देताना दिसत आहे.
सूरज चव्हाण बिग बॉस प्रेमींचा लाडका सदस्य
बिगल बॉसच्या घरात पहिल्या आठवड्यात सूरज चव्हाण खूपच शांत होता, त्याला गेम कळायला वेळ लागला. यावेळी बिग बॉससह घरातील इतर काही सदस्यांनी सूरजचा आत्मविश्वास वाढवलं. भाऊच्या धक्क्यावर रितेश देशमुखनंही सूरजने बिग बॉसच्या घरात केलेल्या स्वच्छतेच्या कामाचं कौतुक केलं. सूरजला आता हळूहळू बिग बॉसचा खेळ समजायला लागला आहे, त्यातच बिग बॉसच्या घरात असलेले सूरजचे हितचिंतक वेळोवेळी त्याचं मनोबल वाढवत त्याचा आत्मविश्वास जागा करण्याचा प्रयत्न करत आहेत. आजच्या भागातही धनंजय पोवार आणि अंकिता वालावलकर सूरजला सपोर्ट करुन त्याला गेम खेळण्याची आणि भूमिका मांडण्याची गरज असल्याची आठवण करुन देताना दिसत आहेत.
गुलीगत सूरज चव्हाणचा गेम प्लॅन काय?
गार्डनर एरियामधील भिंतीवर असलेल्या वाघाच्या चित्रासोबत धनंजय दादा बोलताना दिसत आहे. भिंतीवरील वाघाचं चित्र सूरज असल्याचं भासवत डीपी दादाचा त्याच्याशी संवाद सुरु असल्याचं दिसत आहे. यावेळी सूरज त्याच्या मागे असतो आणि डीपी दादासोबत संभाषण करत असल्याचं दिसतंय. डीपी वाघाला म्हणतो, हा... सूरज हा... त्यावर सूरज म्हणतो माझ्या जवळ येऊ नको.
'बघतोस काय रागानं, डरकाळी फोडलीय सूरज वाघानं'
त्यानंतर, डीपी चित्रातील वाघाची पप्पी घेतो, त्यावर सूरज म्हणतो पप्पी का घेतली? असं म्हणतात डीपी परत वाघाची पप्पी घेतो. नंतर सूरज म्हणतो, डरकाळी फोडीन मी. यावर डीपी म्हणतो तिच वाट बघायला लागलोय आम्ही. यानंतर बाजूला असलेली अंकिता म्हणते, "बघतोस काय रागानं, डरकाळी फोडलीय सूरज वाघानं". "यावर डीपी पुढे म्हणतो की, बघतोस काय रागानं, शटर झाकलाय वाघानं" घरातील सदस्यांनी आत्मविश्वास वाढवल्यानंतर सूरजचा नवा अवतार पाहायला मिळणार का, याची प्रेक्षकांना उत्सुकता लागली आहे.