Bigg Boss Marathi Season 5 : बिग बॉस मराठीचा यंदाचा पाचवा सीझन खूप चर्चेत आहेत. बिग बॉस मराठीच्या पाचवा सीझन सुरु होऊन आता महिना उलटून गेला आहे. बिग बॉसच्या घरात दररोज नवा कल्ला आणि सदस्यांचा राडा पाहायला मिळत आहे. प्रेक्षक बिग बॉसच्या घराशी चांगलेच जोडले गेले आहेत आणि शोबाबत प्रतिक्रिया देत व्यक्त होत आहेत. गेल्या काही दिवसांपासून बिग बॉस मराठीच्या घरातील परिस्थिती पाहता प्रेक्षक संतापल्याचं पाहायला मिळत आहे. बिग बॉस प्रेमींनी शोवर संताप व्यक्त केला आहे. यामागचं कारण जाणून घ्या.
बिग बॉस मराठीवर प्रेक्षक संतापले
बिग बॉस मराठीच्या घरात सुरुवातील दोन ग्रुप पडले होते. मात्र, आता टीम एमध्ये फूट पडल्याचं दिसत आहे. निक्की-अरबाज विरुद्ध जान्हवी-वैभव असं समीकरण पाहायला मिळत आहेत. निक्की बिग बॉसच्या घरात काम करत नसल्यामुळे घरातील सर्वच सदस्य तिच्यावर संतापल्याचं पाहायला मिळत आहे. यावरुन निक्की आणि जान्हवीचे खटके उडतानाही दिसत आहेत. एकीकडे निक्की घरातील काम करण्यास तयार नसल्याचं दिसत असताना, तर दुसरीकडे बिग बॉसने जान्हवीला आदेश देत तिच्यासाठी चहा बनवण्यास सांगितला. यावरुन नेटकरी चांगलेच संतापले आहे.
नेटकऱ्यांकडून सोशल मीडियावर संताप व्यक्त
बिग बॉस मराठीच्या घरात निक्की काही काम करत नाही आणि सर्व नियम मोडताना दिसत आहे. बिग बॉसच्या घरात न झोपण्याचा नियमही निक्कीने मोडला असं असतानाही बिग बॉस तिच्यासाठी जान्हवीला चहा बनवण्याचा आदेश देत असल्याचं पाहून नेटकऱ्यांचा संताप अनावर झाला आहे. यावरुन नेटकऱ्यांनी बिग बॉसला धारेवर धरल्याचं दिसत आहे. नेटकऱ्यांनी कमेंट करत बिग बॉस मराठी शोवर आपला संताप व्यक्त केला आहे.
बिग बॉस प्रेमींच्या नाराज प्रतिक्रिया
एका नेटकऱ्याने कमेंटमध्ये लिहिलंय, "बाईSSS हा काय प्रकार? बिग बॉसच निक्की पुढे लाळ पाघळतोय. बिग बॉस निक्कीचा गुलाम, प्रेक्षकांना हलक्यात घेऊ नका." दुसऱ्याने लिहिलंय, चहा नवना हे सांगता मग, ड्यटी करत नाही तेव्हा काही का बोलतं नाही." तिसऱ्या नेटकऱ्याने लिहिलंय, "बिग बॉसला निक्कीचा पुळका". आणखी एका नेटकऱ्याने सवाल उपस्थित करत म्हटलंय, "आर्या जेवली नव्हती तेव्हा बिग बॉस काहीच बोलले नाही, विषय सुद्धा घेतला नाही. आता बघा निक्कीला बसल्या-बसल्या चहाची ऑर्डर देताय." यावरुन बिग बॉस प्रेमी शोवर चांगलेच भडकल्याचं दिसत आहे.
बिग बॉसचा जान्हवीला निक्कीसाठी चहा बनवण्याचा आदेश
महत्त्वाच्या इतर बातम्या :