Kiran Mane: 'चूक नसताना माझ्यावर आभाळ कोसळलं होतं...'; किरण मानेंची पोस्ट चर्चेत

किरण माने (Kiran Mane) यांनी एक पोस्ट शेअर केली आहे. या पोस्टनं अनेकांचे लक्ष वेधले आहे. 

Kiran Mane

Kiran Mane: अभिनेते किरण माने (Kiran Mane) हे छोट्या पडद्यावरील प्रसिद्ध अभिनेते आहेत. गेल्या काही दिवसांपासून किरण माने हे मराठी बिग बॉस या कार्यक्रमामुळे चर्चेत आहेत. बिग बॉस मराठीच्या चौथ्या (Bigg Boss Marathi 4) सिझनमध्ये किरण माने यांनी सहभाग घेतला. बिग बॉसच्या घरामध्ये असताना किरण माने यांनी प्रेक्षकांचे मनोरंजन केले. आता बिग बॉसच्या घरामधून बाहेर पडल्यावर किरण माने यांनी एक पोस्ट शेअर केली आहे. या पोस्टनं अनेकांचे लक्ष वेधले आहे. 

किरण मानेंची पोस्ट

किरण माने यांनी त्यांची एक वर्षांपूर्वीची पोस्ट फेसबुकवर रिपोस्ट केली आहे. या पोस्टमध्ये त्यांनी लिहिलं होतं, '  काट लो जुबान, आंसुओं से गाऊंगा... गाड़ दो, बीज हूँ मैं, पेड़ बन ही जाऊंगा !' या पोस्टला रिपोस्ट करुन आता किरण माने यांनी कॅप्शनमध्ये लिहिलं, बोललो ते करून दाखवलं भावांनो ! आज बरोबर एक वर्ष झालं ! कुठलीही चूक नसताना माझ्यावर आभाळ कोसळलं होतं. त्यावेळी मी मोठ्या आत्मविश्वासानं ही पोस्ट केली होती. त्यावेळी पण तुम्ही भरभरून सपोर्ट केला होता. आज माझ्या आनंदसोहळ्यात तुम्ही माझ्यावर प्रेमाचा वर्षाव करताय पण त्यावेळी मला विरोध करनारेबी कौतुकाची, मायेची बरसात करतायत !!! सगळ्यांचेच मनापास्नं आभार. मी तुमच्या घरातलं एक लेकरू हाय. तुकोबारायांच्या "बोले तैसा चाले" या वचनावर विश्वास ठेवून वाटचाल करतोय. मराठमोळा अभिनेता म्हनून तुम्हाला कायम अभिमान वाटंल असंच काम माझ्या हातनं होत राहील, हे वचन देतो. लब्यू.' 

नेटकऱ्यांच्या कमेंट्स

किरण माने यांच्या या पोस्टला एक हजारपेक्षा जास्त नेटकऱ्यांनी लाइक केलं आहे. तर अनेकांनी त्यांच्या या पोस्टला कमेंट्स केल्या आहेत. किरण माने यांच्या या पोस्टला एका नेटकऱ्यानं कमेंट केली, 'प्रामाणिक व्यक्तीला असा त्रास होतोच सर' तर दुसऱ्या युझरनं कमेंट केली, 'आता मागे वळून बघूच नका आणि ज्यांना उत्तर द्यायची त्यांना ती आपोआप मिळाली आहेत. दादा तुम अब सिर्फ आगे बढो......'

एक वर्षांपूर्वी  किरण माने यांना मालिकेतून काढलं होतं
एक वर्षांपूर्वी किरण यांना मुलगी झाली हो या मालिकेतून काढण्यात आलं होतं.  किरण यांचा आरोप होता की, राजकीय भूमिका मांडल्यामुळे त्यांना मालिकेतून बाहेर काढण्यात आलं. यासंदर्भात आता किरण माने यांनी राष्ट्रवादीचे अध्यक्ष शरद पवार यांची भेट देखील घेतली होती. तसेच काही नेत्यांनी किरण माने यांना त्यावेळी पाठिंबा देखील दिला होता.  किरण माने यांनी माझ्या नवऱ्याची बायको, मुलगी झाली हो या मालिकांमध्ये काम केलं. 

वाचा इतर महत्वाच्या बातम्या: