Bigg Boss Marathi 2 | पराग कान्हेरे पुन्हा ‘बिग बॉस’च्या घरात परतला
बिग बॉसने स्पर्धकांना 'टिकेल ते टिकेल हा टास्क दिला होता. या टास्कदरम्यान परागने रागाच्या भरात नेहाच्या कानशीलात लगावली होती.
मुंबई : मराठी बिग बॉसच्या दुसऱ्या पर्वात रोज नवीन घडामोडी घडत आहेत. दोन दिवसांपूर्वी बिग बॉसने बाहेरचा रस्ता दाखवलेल्या पराग कान्हेरे पुन्हा घरात परतला आहे. कालच्या भागात महेश मांजरेकर यांनी परागला आरोपीच्या पिंजऱ्यात उभं केलं होतं.
यावेळी बिग बॉसमधील स्पर्धकांनी परागला त्याच्या कृत्याबद्दल जाब विचारला. परागनेही त्याची बाजू मांडली. दोन्ही बाजू ऐकूण घेतल्यानंतर परागचं बिग बॉसच्या घरात पुनरागमन झालं. परागला त्याच्या गैरवर्तानाबद्दल केवळ निलंबित करण्यात आलं होतं, त्यामुळे पराग पुन्हा घरात परतू शकला आहे.
...म्हणून परागची घराबाहेर हकालपट्टी झाली होती
बिग बॉसने स्पर्धकांना 'टिकेल ते टिकेल हा टास्क दिला होता. या टास्कदरम्यान परागने रागाच्या भरात नेहाच्या कानशीलात लगावली होती. तसेच तिच्यासोबत गैरवर्तनही केलं होतं. त्यामुळे बिग बॉसने परागची घराबाहेर हकालपट्टी केली होती. याआधी शिवानी सुर्वेला तिच्या वागणुकीमुळे आणि तब्येतीच्या कारणांमुळे घराबाहेर जावं लागलं आहे. त्यानंतर अभिजीत बिचुकलेला अटक झाल्यामुळे त्याला घराबाहेर पडावं लागलं आहे.
काय आहे 'टिकेल ते टिकेल' टास्क?
या टास्कसाठी स्पर्धकांच्या दोन टीम तयार करण्यात आल्या आहेत. घरातील अंगणात एक सिंहासन ठेवले आहे. टीममधील एक सदस्य त्या सिंहासनावर मुद्रावस्थेत बसणार. त्याच्या रक्षणासाठी त्याच्या बाजूला टीममधील एक सदस्य उभा राहणार. तर दुसऱ्या टीममधील सदस्यांनी बझर वाजण्यापूर्वी मुद्रावस्थेत बसलेल्या सदस्याला त्या सिंहासनावरुन हटवायचे आहे.
संबंधित बातम्या
महत्त्वाच्या बातम्या
ट्रेंडिंग न्यूज
