अभिनेता विवियन डिसेनाला तीन मुली, दोन सावत्र अन् एक सख्खी; लेकींबद्दल म्हणाला...

Vivian Dsena On Three Daughters : अभिनेता विवियन डिसेनाला तीन मुली आहेत, यापैकी दोन सावत्र आणि एक सख्खी मुलगी आहे. त्याने पहिल्यांदाच मुलीचा बाप असण्यावर भाष्य केलं आहे.

Vivian Dsena On Three Daughters

Source : Google

Bigg Boss 18 Latest News : सध्या बिग बॉस 18 सुरु असून यंदाचा सीझन पहिल्या दिवसापासून चर्चेत आहेत. अलिकडेच अविनाश मिश्रा आणि सारा आफरीन खान यांच्यात वाद झाल्याचं पाहायला मिळालं. ज्यानंतर साराला पॅनिक अटॅक आला, ज्याचा व्हिडीओ सध्या सोशल मीडियावर तुफान व्हायरल होत आहे. दरम्यान, बिग बॉसच्या घरात हा सर्व ड्रामा सुरु असताना बिग बॉस प्रेमींचं लक्ष विवियन डिसेनाने वेधलं आहे. विवियन डिसेनाने पहिल्यांदाच त्याची पत्नी आणि मुलींबद्दल भाष्य केलं आहे. विवियन डिसेना बिग बॉसच्या घरात कशिश कपूरसोबत त्याची पत्नी नूरन आणि मुलींबद्दल बोलताना दिसला.

विवियन डिसेनाला दोन सावत्र आणि एक सख्खी मुलगी

एकीकडे बिग बॉसच्या घरात वाद सुरु असताना दुसरीकडे विवियन डिसेना आणि कशिश कपूर गंभीर विषयावर चर्चा करताना दिसले. यादरम्यान, विवियन डिसेनाने खुलासा केला की, त्याला तीन मुली आहेत. यावेळी विवियनला विचारण्यात आलं की, तीन मुलींचा बाप असल्याबद्दल त्याला काय वाटतं. यावर विवियनने व्यक्त केलेल्या भावना ऐकून प्रेक्षकांकडून त्याचं कौतुक केलं जात आहे. विवियनने यावेळी पहिल्यांदाच त्याच्या पर्सनल लाईफबद्दल भाष्य केलं आहे. विवियनबद्दल जाणून घेण्यासाठी चाहते आसुसलेले असताना, या गोड बातमीमुळे त्यांना आनंद झाला आहे.

मला तीन मुली आहेत : विवियन डिसेना

कशिश कपूर आणि विवियन डिसेना बिग बॉसच्या घरात चर्चा करताना दिसले. या दरम्यान, अभिनेता विवियन डिसेना पहिल्यांदाच त्याच्या वैयक्तिक आयुष्याबद्दल बोलला. यावेळी त्याने सांगितलं की, त्याला एक नाही तर तीन मुली आहेत. विवियन म्हणाला की, मला आणि नूरन एलीला एक मुलगी आहे, जिचं नाव आम्ही लयान ठेवलं आहे आणि याशिवाय माझ्या पत्नीच्या पहिल्या लग्नापासून दोन मुली आमच्यासोबत आहेत. जेव्हा कशिशने तीन मुलींचा बाप होण्याच्या भावनेबद्दल विवियनला विचारलं तेव्हा त्याने स्पष्टपणे सांगितलं की, ही जगातील सर्वात अविश्वसनीय भावना आहे.

मुलगी आणि मुलगा यात खूप फरक : विवियन 

विवियन डिसेना म्हणाला की, मुलीचा बाप होण्यापेक्षा जगात दुसरी कोणतीही चांगली भावना नाही . त्याने पुढे हे देखील सांगितलं की, एकदा त्याला कोणीतरी मुलगा आणि मुलगी होण्यात फरक विचारला होता. विवियन म्हणाला, मला कोणीतरी विचारलं होतं की, मुलगा आणि मुलगी यात काय फरक आहे? यावर तो म्हणाला की, बघा, मुलगा मोठा झाल्यावर त्याला समजेल की, माझे वडील हिरो आहेत. मुलगीआनंदी होईल आणि म्हणेल की, बाबा माझे हिरो आहेत.

महत्त्वाच्या इतर बातम्या :