Viral Bhabhi Hema Sharma Controversy : बिग बॉस 18 सीझन प्रेक्षकांचं चांगल मनोरंजन करताना दिसत आहे. रविवारच्या भागात व्हायरल भाभी हेमा शर्मा एलिमिनेट झाल्याने तिला घराबाहेर पडावं लागलं आहे. दरम्यान, हेमा शर्मा घराबाहेर पडण्याआधीच तिच्या अडचणीत वाढ झाली आहे. हेमा शर्मावर तिच्या पतीने अनेक गंभीर आरोप लावले आहेत. त्यामुळे तिच्या अडचणी वाढल्या आहेत. हेमा शर्माचा पती गौरव सक्सेना याने तिच्यावर खळबळजनक आरोप केला आहेत, ज्याची सध्या जोरदार चर्चा होत आहे.
हेमा शर्मावर पतीचा गंभीर आरोप
गौरव सक्सेनाने पत्नी हेमाने केलेल्या आरोपांचं यूट्यूब चॅनलवरील व्लॉगमध्ये उत्तर दिलं आहे. गौरवने व्लॉगमध्ये सांगितलं आहे की, त्याचा मुलगा मोठ्या झाल्यावर व्लॉग पाहिलं आणि त्याला हेमा आणि त्याच्यामधील संपूर्ण प्रकरण कळावं याकारणासाठी तो व्हिडीओ बनवून चॅनलवर शेअर करतो. हेमा शर्माचा पती गौरव सक्सेना एक एनआरआय असून तो युगांडामध्ये राहतो. हेमा आणि गौरवचा मुलगा सध्या दीड वर्षांचा आहे.
'हेमा मुलाला भेटूही देत नाही'
गौरवने गंभीर आरोप करत दावा केला आहे की, हेमा त्याला मुलाला भेटू देत नाही. याशिवाय गौरवने दावा केला आहे की, हेमाला पहिल्या पतीपासूनही एक मोठा मुला आहे, ती त्यालाही त्याच्या वडिलांना भेटू देत नाही आणि माझा मुलगाही मला भेटू शकत नाही. गौरवने आरोप केला आहे की, हेमाने त्याच्याकडून 2 बीएचके घर मागितलं होतं ज्याची किंमत अडीच कोटी रुपये होती. हेमाने म्हटलं की, जर त्याने तिला घर विकत घेऊन दिलं नाही, तर ती त्याला मुलाला भेटू देणार नाही, असंही त्याने सांगितलं आहे.
दरमहा 3-4 लाख रुपये दिले
गौरवने सांगितलं की, मी हेमाला नेहमीच पैसे देत आलो आहे. सध्या ती राहत असलेल्या घराचा खर्चही मी उचलतो. मार्च 2024 पर्यंत मी तिला दर महिन्याला 3-4 लाख रुपये देत होतो. एप्रिलमध्ये वेगळे झाल्यानंतर मी तिला दरमहा एक लाख रुपये देतो, याशिवाय ती राहत असलेल्या घराचा खर्च मी उचलतो.
हेमा शर्मा व्हायरल भाभी या नावाने प्रसिद्ध आहेत. तिला सलमान खानच्या बिग बॉस 18 शोमध्ये एन्ट्री मिळाली होती. आता दुसऱ्या आठवड्याच्या शेवटी ती बिग बॉस सीझन 18 मधून बाहेर पडली आहे.