Bigg Boss 17: बिग बॉसच्या घरात ढसाढसा रडली अंकिता लोखंडे; पती विकी जैनला म्हणाली, "मला जग हर्ट करु शकत नाही पण..."
Bigg Boss 17: नुकताच बिग बॉस-17 या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये अंकिता ही इमोशनल झालेली दिसत आहे.
Bigg Boss 17: अभिनेता सलमान खानचा (Salman Khan) बिग बॉस-17 (Bigg Boss 17) हा शो 15 ऑक्टोबरपासून सुरु झाला आहे. गेल्या तीन दिवसात बिग बॉसच्या घरात भांडण, वाद आणि स्पर्धकांमधील बाचाबाची या सर्व गोष्टी होत आहेत. शोमधील सर्व स्पर्धक त्यांचा गेम प्लॅन करत आहेत. अंकिता लोखंडे (Ankita Lokhande) आणि तिचा विकी जैन (Vicky Jain) हे देखील बिग बॉस-17 या शोमध्ये सहभागी झाले आहेत. अशातच अंकिता आता तिचा पती विकी जैन याच्यावर नाराज झालेली आहे.
नुकताच बिग बॉस-17 या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये अंकिता ही विकीसोबत बोलताना इमोशनल झालेली दिसत आहे. अंकिताच्या डोळ्यात अश्रू देखील दिसत आहे. अंकिता ही विकीला म्हणते, "तूम्ही या रिलेशनशिपला खूप कॅज्युअली घेत आहेस. तू मला सांगितलं होतं की, आपण एकत्र राहू. पण आपण एकत्र नाहीये. फक्त मला सपोर्ट आहे म्हणून मी बिग बॉसमध्ये आले होते. पण माझ्याकडे सपोर्ट नाहीये. जग मला हर्ट करु शकत नाही, पण फक्त माझी व्यक्तीच मला हर्ट करू शकते आणि मला खूप हर्ट होत आहे. मी एकटी आहे."
View this post on Instagram
बिग बॉस-17 या शोमध्ये एकीकडे विकी सगळ्या स्पर्धकांसोबत गेमबाबत प्लॅनिंग आणि प्लॉटिंग करत आहे. तर दुसरीकडे अंकिताला एकटं वाटतंय. विकी हा तिच्यासोबत, असे तिला सध्या वाटत नाही. आता विकी हा अंकिताला कसा समजवणार? अंकिता आणि विकी यांचा गेम प्लॅन कसा असणार? हे पाहण्यास प्रेक्षक उत्सुक आहेत. ऐश्वर्या शर्मा आणि नील भट्ट यांनी देखील बिग बॉस-17 या शोमध्ये सहभाग घेतला आहे. ऐश्वर्या आणि नील हे शोमध्ये दोघेही थोडे गोंधळलेले दिसत आहेत. बिग बॉसने त्याच्याशी संवाद साधला आहे.
तसेच मुनव्वर फारुकी,मनारा चोप्रा,नावेद सोल,अनुराग डोभाल,जिग्ना वोरा,सोनिया बन्सल यांनी देखील बिग बॉस-17 या शोमध्ये स्पर्धक म्हणून सहभाग घेतला आहे.
इतर महत्वाच्या बातम्या:
महत्त्वाच्या बातम्या
