Bigg Boss 16 : छोट्या पडद्यावरील रिअॅलिटी शो 'बिग बॉस 16' (Bigg Boss 16) सध्या चर्चेचा विषय बनला आहे. या शोच्या स्पर्धक अर्चना गौतम (Archana Gautam) आणि एमसी स्टेन (MC Stane) यांच्यात यापूर्वी जबरदस्त भांडण झाले आहे. दरम्यान, 'बिग बॉस सीझन 16' चा नवीन प्रोमो समोर आला आहे. या प्रोमोमध्ये शोचा होस्ट आणि बॉलीवूडचा सुपरस्टार सलमान खान शनिवारच्या भागादरम्यान स्पर्धक स्टॅन आणि अर्चना यांची शाळा घेताना दिसणार आहे.
स्टेन आणि अर्चना यांच्यावर सलमानचा राग
'बिग बॉस 16' दरम्यान, स्पर्धक एमसी स्टेन आणि अर्चना गौतम कधीच सोबत नसल्याचं सुरुवातीपासूनच दिसत होतं. सुरुवातीपासूनच हे दोघे एकमेकांशी भांडताना दिसत आहेत. या आठवड्यातही एमसी स्टेन आणि अर्चना गौतम यांनी आपला ताबा सोडत एकमेकांना शिवीगाळ करत होते. अशा परिस्थितीत शनिवारच्या एपिसोडमध्ये सलमान खान स्टेन आणि अर्चना यांची शाळा घेताना दिसणार आहे. हा प्रोमो सध्या सोशल मीडियावर मोठ्या प्रमाणात व्हायरल होतोय.
प्रोमोमध्ये तुम्ही पाहू शकता की, सलमान खान एमसी स्टॅनवर रागावताना एकमेकांच्या कुटुंबियांचा विषय काढण्याबाबत जाब विचारतो. ज्यावर एमसी स्टॅन सलमानची माफी मागतो. तर, दुसरीकडे अर्चना गौतमला फटकारताना सलमान म्हणाला की, या घरात अनेक लोक खैरातने आले आहेत, आणि ती तू आहेस. यावर अर्चना मान्य करत नाही. आणि सलमान तिला दरवाजा उघडून घराबाहेर जाण्याचा सल्ला देतो.
पाहा व्हिडीओ :
शनिवारचा वार भाग मनोरंजक असेल
वीकेंड येत आहे आणि त्यासोबत सलमान खान 'बिग बॉस 16' च्या शनिवारच्या एपिसोडमध्येही दिसणार आहे. आठवड्याच्या शेवटच्या दोन दिवसांमध्ये सलमान खान हा शो होस्ट करताना दिसतो. अशा परिस्थितीत, 'बिग बॉस सीझन 16' च्या या नवीनतम प्रोमोवरून स्पष्टपणे अंदाज लावला जाऊ शकतो की यावेळी सलमान खान बिग बॉसच्या कुटुंबातील सदस्यांची चांगलीच शाळा घेताना दिसणार आहे.
महत्त्वाच्या बातम्या :