Bigg Boss 16, Raj Kundra : शिल्पा शेट्टीचा पती राज कुंद्रा ‘बिग बॉस 16’च्या घरात दिसणार? चर्चांना उधाण...
Bigg Boss 16 : बॉलिवूड अभिनेत्री शिल्पा शेट्टी (Shilpa Shetty) हिचा पती राज कुंद्रा लवकरच ‘बिग बॉस 16’मध्ये दिसणार असल्याचे बोलले जात आहे.
Bigg Boss 16 : टीव्हीवरचा लोकप्रिय शो ‘बिग बॉस 16’ (Bigg Boss 16) लवकरच प्रेक्षकांच्या भेटीला येणार आहे. या नव्या सीझनमध्ये कोण कोण सामील होणार याकडे प्रेक्षकांचे लक्ष लागून राहिले आहे. या घरात सामील होणाऱ्या स्पर्धकांमध्ये काही नावे देखील चर्चेत आहेत. यातीलच एक नाव म्हणजे राज कुंद्रा (Raj Kundra). बॉलिवूड अभिनेत्री शिल्पा शेट्टी (Shilpa Shetty) हिचा पती राज कुंद्रा लवकरच ‘बिग बॉस 16’मध्ये दिसणार असल्याचे बोलले जात आहे. मात्र, अद्याप यावर कोणतीही अधिकृत प्रतिक्रिया दिलेली नाही.
‘बिग बॉस’ (Bigg Boss 16) या वादग्रस्त शोमध्ये त्या त्या वर्षातील चर्चेत राहिलेले चेहरे सहभागी होताना दिसतात. याच कारणामुळे यंदा राज कुंद्राचे नाव देखील चर्चेत आहे. गेल्या वर्षी राज कुंद्रा अश्लील व्हिडीओ प्रकरणात अडकला होता आणि ‘बिग बॉस’मध्ये फक्त अशा लोकांनाच अप्रोच केले जाते, जे एखाद्या वादात सापडले होते. त्यामुळेच यंदाच्या सीझनसाठी राज कुंद्राचे नाव चर्चेत आले आहे.
लवकरच ‘बिग बॉस’ येणार प्रेक्षकांच्या भेटीला
सुपरहिट वादग्रस्त शो ‘बिग बॉस’ लवकरच नव्या सीझनसह टीव्हीवर परतणार आहे. मीडिया रिपोर्ट्सनुसार, हा शो ऑक्टोबरपासून टीव्हीवर प्रसारित होणार आहे. या शोमध्ये सहभागी होण्यासाठी आतापर्यंत अनेक स्टार्सची नावे समोर आली आहेत. या सीझनमध्ये अनेक वादग्रस्त चेहरे पाहायला मिळणार असल्याचे बोलले जात आहे.
राज कुंद्राशी संपर्क साधल्याची चर्चा
मीडिया रिपोर्टनुसार, ‘बिग बॉस 16’च्या निर्मात्यांनी या शोसाठी राज कुंद्राशी संपर्क साधला आहे. बिग बॉसचे निर्माते आणि राज कुंद्रा यांच्यात शोबाबत चर्चा सुरू असल्याचेही बोलले जात आहे. तर, राज कुंद्रा देखील या शोचा भाग बनण्याचा विचार करत असल्याचं समजतंय. राज कुंद्रा या शोचा भाग बनल्यास शोला चांगला टीआरपी मिळेल आणि शोची चर्चा निर्माण होईल, असे बोलले जात आहे.
नवं पर्व, नवी थीम अन् नवे चेहरे...
‘बिग बॉस’च्या यंदाच्या पर्वात अॅक्वा थीम असणार आहे. काही दिवसांपूर्वी ‘बिग बॉस’च्या सेटवरचे फोटो सोशल मीडियावर व्हायरल झाले होते. सलमान खानने 'बिग बॉस 16'च्या पहिल्या प्रोमोचं शूटिंग पूर्ण केलं आहे. त्यामुळे चाहत्यांना आता प्रोमोची उत्सुकता आहे. लवकरच 'बिग बॉस 16'चा प्रोमो आऊट करण्यात येणार आहे. 'बिग बॉस 15' टीआरपीच्या शर्यतीत मागे पडला होता. हा कार्यक्रम प्रेक्षकांवर आपली जादू दाखवण्यात कुठेतरी कमी पडला. त्यामुळे 'बिग बॉस 16'ची चाहते प्रतीक्षा करत होते. यंदाचं पर्व खूपच खास असणार आहे. नवं पर्व प्रेक्षकांचं चांगलं मनोरंजन करणार आहे.
संबंधित बातम्या
Bigg Boss 16 : 'बिग बॉस 16' 'या' दिवशीपासून होणार सुरू; दिव्यांका त्रिपाठीच्या नावाची चर्चा
Salman Khan, Bigg Boss : ‘बिग बॉस 16’साठी सलमान खानने मागितली ‘इतकी’ फी! साऊथ चित्रपटापेक्षाही मोठं बजेट
महत्त्वाच्या बातम्या
