Bigg Boss 16 Date : 'या' दिवशी सुरू होणार भाईजानचा बिग बॉस; प्रोमो आऊट

Salman Khan : सलमान खानच्या 'बिग बॉस'चे सोळावे पर्व लवकरच प्रेक्षकांच्या भेटीला येणार आहे.

Salman Khan

Bigg Boss 16 Date : छोट्या पडद्यावरील वादग्रस्त कार्यक्रम म्हणून 'बिग बॉस' (Bigg Boss) या कार्यक्रमाकडे पाहिलं जातं. बिग बॉसच्या स्पर्धकांमधील राडे, नवनवीन टास्क, मैत्री आणि होणारे वाद यामुळे हा कार्यक्रम नेहमीच चर्चेत असतो. सलमान खानच्या बिग बॉसचे 15 पर्व चांगलेच गाजले आहे. गेल्या अनेक दिवसांपासून बिग बॉसचे चाहते 16 व्या पर्वाची आतुरतेने वाट पाहत आहेत. आता बिग बॉसच्या चाहत्यांसाठी एक आनंदाची बातमी समोर आली आहे. 1 ऑक्टोबरला बिग बॉसच्या 16 व्या पर्वाचा ग्रॅंड प्रीमिअर होणार असं म्हटलं जात आहे. बिग बॉसचा नवा प्रोमो नुकताच आऊट झाला आहे. प्रोमो आऊट झाल्याने चाहत्यांना आता बिग बॉस 16 ची प्रतीक्षा आहे. 

गेल्या काही दिवसांपासून सलमानने बिग बॉसचा प्रोमो शूट केल्याची चर्चा होत होती. भाईजानने 5 सप्टेंबरला फिल्मसिटीमध्ये प्रीमिअरच्या शूटिंगला सुरुवात केली आहे, असं म्हटलं जात आहे. 'बिग बॉस' हा कार्यक्रम टीआरपीच्या शर्यतीत आघाडीवर असतो. हा कार्यक्रम प्रेक्षकांचं चांगलंच मनोरंजन करत असतो. 

'बिग बॉस 16' मध्ये सहभागी होणार हे स्पर्धक

आमिर खानचा भाऊ फैसल खान बिग बॉसच्या सोळाव्या पर्वात सहभागी होणार आहे. सोशल मीडियाच्या माध्यमातून त्यांनी चाहत्यांना माहिती दिली आहे की, मला 'बिग बॉस 16' आणि एका मालिकेची ऑफिर आली आहे. चारु असोपा आणि राजीव सेन यांनादेखील 'बिग बॉस 16' साठी विचारण्यात आले आहे. मुनव्वर फारुकीदेखील 'बिग बॉस 16' या कार्यक्रमात सहभागी होणार असल्याचं म्हटलं जात आहे. 
बॉलिवूड अभिनेत्री शिल्पा शेट्टीचा पती राज कुंद्रादेखील 'बिग बॉस 16' मध्ये सहभागी होणार असल्याची चर्चा आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

तेजस्वी प्रकाश ठरली होती 'बिग बॉस 15'ची विजेती

'बिग बॉस 15' ऑक्टोबरमध्ये सुरू झाला होता. 2 ऑक्टोबर 2021 रोजी या कार्यक्रमाचा प्रीमियर झाला होता. तर 30 जानेवारी 2022 रोजी या कार्यक्रमाचा महाअंतिमसोहळा रंगला होता. मराठमोळी तेजस्वी प्रकाश (Tejasswi Prakash) 'बिग बॉस 15'ची विजेती ठरली होती. 

संबंधित बातम्या