Bigg Boss 15 : बिग बॉसमध्ये Rakhi Sawant भावनिक; म्हणाली, 'इंडस्ट्रीत टिकण्यासाठी खूप काही सहन करावे लागले'

Bigg Boss 15 : राखी सावंत सध्या बिग बॉसच्या घरात धुमाकूळ घालत आहे. पण अलीकडेच राखी भावनिक झालेली दिसून आली.

Rakhi Sawant In Bigg Boss 15 : 'बिग बॉस 15'  मध्ये राखी सावंतची (Rakhi Sawant) एन्ट्री झाल्यापासून कार्यक्रमांत अनेक रंजक वळणे येत आहेत. राखी या कार्यक्रमाच्या अनेक पर्वांत सहभागी झाली आहे. कार्यक्रमात राखी विनोद आणि मस्ती करत असते. या पर्वालादेखील एका नव्या उंचीवर नेण्याच्या उद्देशाने राखीने या कार्यक्रमात प्रवेश केला आणि त्यात राखीने कोणतीही कसर सोडली नाही. राखीच्या बोलण्याने बिग बॉसच्या घरात अनेक वाद होत असतात. नुकतेच राखी आणि शमिता शेट्टी यांच्यात कडाक्याचे भांडण झाले होते. त्यानंतर राखी भावनिक झालेली दिसून आली.  

राखी सावंत आणि शमिता शेट्टीचे (Shamita Shetty) 'तिकीट टू फिनाले' या टास्कदरम्यान कडाक्याचे भांडण झाले. गुरुवारच्या एपिसोडमध्ये दाखवण्यात आले होते की, भांडणानंतर राखी देवोलीना आणि तेजस्वी प्रकाशसोबत गप्पा मारत असताना भावनिक होते. दरम्यान राखी आठवणींत रमली. त्यानंतर तिच्या छातीत दुखू लागले. राखी आणि शमिताच्या भांडणादरम्यान शमिताने तिला धक्का दिला होता. त्यामुळे राखी म्हणाली,  शमिताने तिला धक्का दिला तेव्हा तिला खूप त्रास झाला कारण तिचे स्तन प्रत्यारोपण झाले आहे.

तेजस्वी प्रकाश आणि देवोलीनाने राखीला स्तन प्रत्यारोपण करण्यामागचे कारण विचारताच राखी म्हणाली,"माझ्या आयुष्यात अनेक अडचणी आल्या. इंडस्ट्रीत टिकण्यासाठी मला स्तन प्रत्यारोपण करावे लागले. माझ्या आयुष्यातील दुःख फक्त मलाच माहीत आहे". यानंतर तेजस्वीने तिला पाठिंबा देत म्हटले की,"मी विनोद करत आहे, मला माफ कर." यानंतर राखीच्या डोळ्यात अश्रू स्पष्ट दिसत होते.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha