Salman Khan Dialogue: सलमान खानचा (Salman Khan) बिग बॉस (Bigg Boss 15) सध्या मसालेदार होत आहे. घरातील सदस्यांचा आठवडाभरातील गोंधळ विकेंण्डच्या वारी पाहायला मिळत असतो. बिग बॉसच्या मंचावर काल रॅपर आणि गायक बादशाह (Badshah) आला होते. तो त्याच्या आगामी 'जुगनू' गाण्याच्या प्रमोशनसाठी आला होता. दरम्यान सलमान खानसोबत बादशाहची मजा-मस्ती प्रेक्षकांना पाहायला मिळाली. सलमानने त्याच्या गाजलेल्या चित्रपटांतील डॉयलॉगदेखील ऐकवले.
सलमान खानसोबत बादशाहने केली मस्ती
बिग बॉस 15 च्या मंचावर सलमान खान आणि बादशाह मस्ती करताना दिसून आले. सलमानने बादशाहच्या नव्या गाण्यावर डान्सदेखील केला. त्यामुळे बादशाह खूप खूश दिसून येत होता. बादशाहा आनंदात आईला म्हणाला,"आई बघ सलमान खानने माझ्या गाण्यावर डान्सदेखील केला". त्यानंतर बादशाहाने सलमानला त्याच्या गाजलेल्या चित्रपटांतील डायलॉग ऐकवण्यास सांगितला. सलमान 'हम आपके है कौन' सिनेमातील डायलॉग म्हणताना दिसून आला. सलमानने डायलॉग म्हटला,"लोग कहते हैं कि जब खूबसूरत लड़कियां झूठ बोलती हैं तो और भी ज्यादा खूबसूरत लगती हैं." त्यावर बादशाहने मजेशीर प्रश्न उपस्थित केला. बादशाहा सलमानला म्हणाला,"सुंदर मुली खोटं का बोलतील".
Raj Kundra Deleted Social Media Accounts: पॉर्नोग्राफी प्रकरणानंतर राज कुंद्राचा ट्विटर आणि इंस्टाग्रामला रामराम
बिग बॉसच्या घरातील सदस्यांना बादशाहाने दिला टास्क
सलमान खानला भेटल्यानंतर बादशाहा बिग बॉसच्या घरातील स्पर्धकांना भेटायला घरात गेला. घरातील स्पर्धकांना त्याने त्याच्या गाण्यावर नाचायला भाग पडले. घरातील सदस्यांसाठी बादशाह दिवाळी भेटवस्तू घेऊन गेला होता. ते स्पर्धकांना एकमेकांना द्यायचे होते. त्यामुळे घरातील कोणत्या सदस्याला कोणती भेट मिळणार याकडे स्पर्धकांसह प्रेक्षकांचेदेखील लक्ष होते.